Video
Read full review
2017-11-27
314 views
今日同男朋友喺附近睇完戲，食埋飯先番大西北，選定呢間喺德己立街嘅泰國菜，附近都好多酒吧，不過覺得泰國野比較啱食。而事實上我地都去過佢地堅尼地城嘅分店，新開張冇耐就去過，當時印象十分好，特別係椰漿飯同芒果糯米飯，味道可好呢。今次再訪，雖然係中環店，但都有一定嘅信心，最終亦都冇失望餐廳一共有2、3樓，我地被安排坐3樓，佔地頗廣，位置挺多的。有梳化位、圓枱、高枱高櫈等，人多人少都能夠安排。餐廳裝潢有啲似西餐廳，燈光偏暗，頗有情調，週日晚上幾乎全部坐滿，但可能空間感足，即使人多，都唔會覺得好嘈，適合情侶或者多人聚餐餐牌選擇豐富，供應沙律、小食、串燒、湯、咖喱、海鮮、煲類、肉類、蔬菜、飯麵、甜品等，定價合理。晚市亦有套餐供應，包頭盤、沙律、湯、主菜、甜品，不過我地唔係食到好多野，決定單點。點單後，店員好快就送上蝦片，配辣椒油。蝦片夠哂香脆，而且有好微微辣，既開胃亦可佐酒。精選拼盤 $149/2人份拼盤有炸蝦餅、炸春卷、沙嗲豬肉串、香蘭葉包雞，設2人/4人份，分別定價$149/261。拼盤上枱熱辣辣，都好吸引，即時做起，沙嗲另上。炸蝦餅每人一份，炸粉唔厚亦都唔硬，食落香脆，而且蝦肉嘅味道都幾明顯，
餐廳一共有2、3樓，我地被安排坐3樓，佔地頗廣，位置挺多的。有梳化位、圓枱、高枱高櫈等，人多人少都能夠安排。餐廳裝潢有啲似西餐廳，燈光偏暗，頗有情調，週日晚上幾乎全部坐滿，但可能空間感足，即使人多，都唔會覺得好嘈，適合情侶或者多人聚餐
餐牌選擇豐富，供應沙律、小食、串燒、湯、咖喱、海鮮、煲類、肉類、蔬菜、飯麵、甜品等，定價合理。晚市亦有套餐供應，包頭盤、沙律、湯、主菜、甜品，不過我地唔係食到好多野，決定單點。
蝦片
3 views
0 likes
0 comments
點單後，店員好快就送上蝦片，配辣椒油。蝦片夠哂香脆，而且有好微微辣，既開胃亦可佐酒。
蝦片
4 views
0 likes
0 comments
精選拼盤 $149/2人份
拼盤有炸蝦餅、炸春卷、沙嗲豬肉串、香蘭葉包雞，設2人/4人份，分別定價$149/261。
拼盤上枱熱辣辣，都好吸引，即時做起，沙嗲另上。炸蝦餅每人一份，炸粉唔厚亦都唔硬，食落香脆，而且蝦肉嘅味道都幾明顯，夠哂彈牙
炸春卷中規中矩，春卷皮唔算好脆，餡料份量適中。沙嗲味道都幾香濃，豬肉就比較瘦啲，唔會好肥膩
另外香蘭葉包雞拆開就食到幾香口嘅雞肉，香蘭葉味唔會話好強烈，一般人都能夠接受，雞面頭幾脆口，肉質都唔柴唔鞋，幾好食
精選拼盤
$149
20 views
0 likes
0 comments
明爐香草蒸烏頭魚 $247
如果鐘意食烏頭魚都好值得一試，因為非常足料，其實足夠四人以上分享，所以我地都食得好飽。
賣相霸氣，烏頭嘅面頭鋪滿肉碎、香草、粉絲、椰菜絲、草菇、椒絲，然後一大條魚，下面墊底嘅都係粉絲，你話點會唔飽，哈哈。
另外附上一碗魚湯同辣汁，店員好細心，見我地食到差不多，仲問我地需唔需要加辣汁
明爐香草蒸烏頭魚
$247
8 views
0 likes
0 comments
烏頭魚都幾大條，明爐燒嘅好處係可以一路熱住黎食，而且附有湯汁，微微酸辣。
魚肉冇腥味，而且厚肉、又唔多細骨，唔熟識吐骨嘅人都可以食到；魚肉挺鮮甜，稱唔上滑，但都唔會鞋，推介
粉絲份量好多，見到都好驚訝，而且蒸住滲入啲湯汁，非常入味。
香葉炒飯 $107（豬/牛/雞/蔬菜/蝦+$20）
雖然之前食過佢地嘅椰汁焗飯，真係相當出色，但由於嘴讒，成日想試新野，於是點左份香葉炒飯，味道都唔錯。
炒飯份量不少，兩個人要食哂都相當有難度。我地揀左牛肉，覺得好似幾夾。
炒飯加有香草、椒絲、欖角去炒，食落辣辣地，十分惹味飯粒唔會太濕或者大乾，油份不多，帶點煙韌嘅口感。
香葉炒飯
$107
46 views
0 likes
0 comments
芒果飛雪 $58
十分推介呢個芒果飛雪呢！芒果味道香甜，但完全唔假，令人飲完一啖又一啖，唯獨係有點細細一杯
沙冰都打得算滑溜，入口順滑，冰感唔重，不過偶然都會飲到冰碎，會塞住飲管。但以芒果味香甜味道足以彌補一切。
芒果飛雪
$58
13 views
0 likes
0 comments
清甜荔椰子冰 $58
我揀左荔枝椰子冰，都一樣好好飲啊，荔枝果肉非常香甜，椰子冰甜度適中，椰香十足，唔會有糖水感覺，如果再冰凍啲就完美
清甜荔椰子冰
$58
11 views
0 likes
0 comments
餐牌：
Post
