九份飽 (淘大商場1期)

Open Now

Now Closed

上次黎過淘大呢邊試過呢度嘅台灣嘢覺得幾正，今日行經決定再黎食！我地每人各叫左一個刀削麵，分別係香酥排骨同紅燒牛腩，大家share試試佢其實上次嚟到都係叫呢兩味餸（因為真係幾好食哈哈），但上次我係叫米粉～朋友話刀削麵都唔錯所以又試吓啦！估唔到平時咁多人排都keep到食物質素。個排骨依然好鬆脆，炸粉唔會好厚，同埋都幾岩香港人口味唔會太過咸。紅燒牛腩一樣好夠味，食得出個湯底冇落味精，牛肉都好稔。至於刀削麵就正正常常啦，個人喜好鍾意米粉多D，但兩樣都唔差的～我地仲share左個滷水拼盤，有雞翼、豬耳、牛肚、雞蛋。。。。樣樣有ｄ，過下口癮幾正！最後都係忍唔住叫左個芋圓仙草牛奶，貪佢夠咬口