Via Tokyo

Open Now

Now Closed

呢五年多左好多網店賣各種濃度嘅抹茶甜品，但講起喺香港掀起抹茶熱潮嘅舖頭，相信唔少人會同意Via Tokyo 應佔一席，我係佢抹茶同芝麻刨冰嘅忠實fans，好可惜尖沙咀店早排已經結業。雖然‪銅鑼灣店‬唔賣刨冰，但見佢推出咗新產品都去支持下。.🍽忌廉抹茶戚風蛋糕圖三可以清楚見到忌廉、戚風蛋糕同中間嘅抹茶忌廉共三層，扯起透明膠後頂層滿滿嘅忌廉瞬間傾瀉，畫面好治愈，蛋糕頗鬆軟但較乾身，忌廉綿密有奶香。抹茶忌廉有淡淡嘅回甘，仲有一抹紅豆蓉係蛋糕中間吊味。不過戚風蛋糕始終行輕盈路線較難入味，而且忌廉無論視覺定味道上都係呢款蛋糕嘅主角，想食濃茶味嘅叫返雪糕啦。.🍽宇治抹茶芝士蛋糕雖然望落似綠色嘅NY cheese cake，但實際上蛋糕質感黏軟，抹茶同芝士味一平分秋色，伴碟嘅抹茶醬先係精髓，抹味相濃郁。