Video
Read full review
2022-10-17
668 views
【再訪良心台食店💛 仍有水準！CP值高！】#真香港美食圖冊推薦程度：●●●●●抵食程度：●●●●●——— 相信大家對「六両三」呢個名字一啲都唔陌生！座位唔多但食物CP值高，長期排長龍！今次再訪係周末中午時份，食完行出去先發現又排緊隊了！所以建議早啲食brunch💛✨ 🍜 川味紅燒牛肋條麵｜$88湯底好濃烈，帶點回甘，飲落好暖胃好舒服，唔似坊間嘅都比較偏甜👍🏻 麵條吸咗湯底精華，上晒色，食落唔算爽彈，但唔太淋，軟硬適中🤍 牛肋條冇咩筋位，無骨啖啖肉，煮到好腍好入味，唔錯🫶🏻✨ 上菜時望落唔係好大份但食完好飽，好彩冇眼闊肚窄叫多咗！🍚 滷肉飯(小)｜$18份量足夠女孩子/唔太餓時享用，另外仲有大碗裝～ 滷肉肥瘦肉量平均，肉香同油脂香同時喺口腔四溢，滷汁唔太咸，整體真係撈飯一流👍🏻✨ CP值偏高！🥚 皮蛋豆腐｜$38冷藏溫度覺得掌握得好好，夠凍之餘唔會凍到冇晒味覺，敏感牙齒都友好🫶🏻 皮蛋夠挺身，切到大大舊加埋約1隻蛋，份量正常；豆腐以為會切片上，但係一舊原磚上，食落別有風味！加埋面頭嘅木魚同醬汁撈飯一流，單食嘅話蠔油略嫌偏咸～ 整體都滿意🤍🥤 白桃烏龍｜$22欣賞佢哋係自家冷泡，而非即沖粉
#真香港美食圖冊
推薦程度：●●●●●
抵食程度：●●●●●
———
相信大家對「六両三」呢個名字一啲都唔陌生！座位唔多但食物CP值高，長期排長龍！今次再訪係周末中午時份，食完行出去先發現又排緊隊了！所以建議早啲食brunch💛✨ 
🍜 川味紅燒牛肋條麵｜$88湯底好濃烈，帶點回甘，飲落好暖胃好舒服，唔似坊間嘅都比較偏甜👍🏻 麵條吸咗湯底精華，上晒色，食落唔算爽彈，但唔太淋，軟硬適中🤍 牛肋條冇咩筋位，無骨啖啖肉，煮到好腍好入味，唔錯🫶🏻✨ 上菜時望落唔係好大份但食完好飽，好彩冇眼闊肚窄叫多咗！
🍚 滷肉飯(小)｜$18份量足夠女孩子/唔太餓時享用，另外仲有大碗裝～ 滷肉肥瘦肉量平均，肉香同油脂香同時喺口腔四溢，滷汁唔太咸，整體真係撈飯一流👍🏻✨ CP值偏高！
🥚 皮蛋豆腐｜$38冷藏溫度覺得掌握得好好，夠凍之餘唔會凍到冇晒味覺，敏感牙齒都友好🫶🏻 皮蛋夠挺身，切到大大舊加埋約1隻蛋，份量正常；豆腐以為會切片上，但係一舊原磚上，食落別有風味！加埋面頭嘅木魚同醬汁撈飯一流，單食嘅話蠔油略嫌偏咸～ 整體都滿意🤍
🥤 白桃烏龍｜$22欣賞佢哋係自家冷泡，而非即沖粉/紙包飲！相比之下就可以無糖，健康啲，亦更加品嚐到茶底嘅芬香💛 烏龍茶味香而易入口，無苦澀味；吐咗之後餘韻先有白桃果香湧出，唔錯✨ 消膩、解油，大大杯幾高CP值👍🏻
Post
