荳子冰室 (上水中心)

Open Now

Now Closed

再訪荳子冰室～之前發現平日有set抵食好多，今次決定再食多次🫠幾surprise原來餐廳有keep住 update menu, 有幾個新菜式，今次set既湯同上次都唔同，幾有新鮮感👍🏻😆💛2人晚市小菜套餐 $188套餐包兩個小菜/飯/湯/甜品。燉湯set死左款式無得揀，兩碗唔同的，今次係蔘鬚紅棗燉雞同花菇圓肉燉唐排。蔘鬚紅棗燉雞幾重蔘味（我才疏學淺分唔到係太子蔘定係人蔘仔），用返個燉盅比例黎計都算幾大條，加左紅棗中和返苦味，唔算話太難入口。自己比較鍾意花菇圓肉燉唐排,花菇味好出，有兩舊，比想像中足料，味道唔錯。唯一略嫌真係太油，面嗰層全部都係油，飲到最底有見到d肉一部份都係肥油🥲小菜今次都係揀左中式牛柳（因為上次真係太出色）同新出既蒜蓉粉絲蒸鮮魷🤣但今次既中式牛柳過左少少火，食落肉質有d鞋，而且調味無上次咁酸咁開胃🥹蒜蓉粉絲蒸鮮魷份量好多，兩個人都食唔曬咁濟，望落好似好惹味但食落反而無咩味（不論係魷魚既鮮味同蒜蓉既香味都係），少少失望，下次會試其他小菜😿甜品都係d好傳統既款式：豆腐花/西米露/芒果布甸/冰菠蘿等等都可以揀～今次揀左豆腐花同西米露，前者上次介紹過今次唔重複啦；西米露就值得