豊 (Closed)

我諗我已上左癮🤦🏼‍♀️ 食得飽嘅Omakase，每一碟都係精心之作💕用備長炭「辣」(炙り) 嘅魚生，嗰種香，食完真係唔想飲野住，好想嗰浸炭燒魚油味留喺我口耐啲！😶鮟鱇魚肝，平時都係一粒粒配少少柚子醋食，冇咁漏，今次係加左啲漬菜粒，再配埋店鋪自家製風乾脆米餅，鮟鱇魚肝嘅油潤軟糯+香香脆卜卜嘅米餅，兩種截然不同嘅口感衝擊，滿足！🤗當造原隻海胆，師傅教我同愛人，食左自己半隻，再交換食半隻，因為海胆其實隻隻都有唔同味道，即管試下，竟然真係好唔同！一隻係甜甜嘅重海鮮味，一隻係咸咸哋重海水味，但同樣食完仍有回甘，神奇！😲螢光魷魚毛蟹墨魚汁飯，同朋友傾緊計，冇留心聽師傅介紹，食落似risotto，軟硬適中，勁鮮味，三種海鮮味道互相配合亦互相抗衡，好似喺口裡面打交咁，我為左勸交，𡁻耐啲再慢慢吞哂佢，完美！🥰