Video
Read full review
2021-12-04
18 views
再訪Susoshu仍然覺得好好食！今次嚟到就轉咗新嘅餐牌，同樣地齊備壽司同熟食。最鐘意佢哋嘅菜式夠多元化，傳統得嚟又加添少少新意，唔會過份沉悶，主廚仲好熱情咁同我交流飲食心得添，係非常令人滿意嘅一餐🥰• 献立 $1480- 海老他他脆筒 將紫菜做成脆筒，包住甜蝦他他、自家製芝士醬、山葵漬、醃黃蘿蔔等材料，不論層次感抑或味覺上都十分豐富，令我更加期待之後嘅菜色呢😳- 白子天婦羅白子可選刺身或天婦羅，因為之前已經食過幾次白子刺身，所以就揀咗特別啲嘅天婦羅版。同刺身嘅感覺截然不同，炸漿做得好輕薄，外脆內creamy，也更香口，對於唔食白子嘅人嚟講依個天婦羅版本應該都較易接受😌- 呼子魷魚燒賣這道呼子魷魚燒賣原來係源自於佐賀縣嘅中華料理，因為疫情關係冇得去旅行，所以店家就將此名物帶回香港！魷魚口感彈牙，不會難咬，包住嘅係黑毛豬肉☺️- 時令壽司四貫四貫壽司分別有千葉縣金目鯛、北海道秋刀魚、青森縣大間中拖羅同火炙右口魚邊。中拖羅採用鐵板燒嘅概念，先用火槍將鐵板燒熱，再利用鐵板嘅熱力將魚料嘅表面炙熟，此做法令拖羅嘅味道多一份獨有嘅焦香，又不會有火炙嘅氣味，魚味會更突出！右口魚邊則非常適合火炙，加上蒜
• 献立 $1480
- 海老他他脆筒
將紫菜做成脆筒，包住甜蝦他他、自家製芝士醬、山葵漬、醃黃蘿蔔等材料，不論層次感抑或味覺上都十分豐富，令我更加期待之後嘅菜色呢😳
- 白子天婦羅
白子可選刺身或天婦羅，因為之前已經食過幾次白子刺身，所以就揀咗特別啲嘅天婦羅版。同刺身嘅感覺截然不同，炸漿做得好輕薄，外脆內creamy，也更香口，對於唔食白子嘅人嚟講依個天婦羅版本應該都較易接受😌
- 呼子魷魚燒賣
這道呼子魷魚燒賣原來係源自於佐賀縣嘅中華料理，因為疫情關係冇得去旅行，所以店家就將此名物帶回香港！魷魚口感彈牙，不會難咬，包住嘅係黑毛豬肉☺️
- 時令壽司四貫
四貫壽司分別有千葉縣金目鯛、北海道秋刀魚、青森縣大間中拖羅同火炙右口魚邊。中拖羅採用鐵板燒嘅概念，先用火槍將鐵板燒熱，再利用鐵板嘅熱力將魚料嘅表面炙熟，此做法令拖羅嘅味道多一份獨有嘅焦香，又不會有火炙嘅氣味，魚味會更突出！右口魚邊則非常適合火炙，加上蒜汁更添惹味🤤
- 鮟鱇魚肝
最近經常能夠食到鮟鱇魚肝，不過依度嘅做法有少少特別，用咗牛奶浸泡魚肝之後再蒸，口感極其細滑，搭配底下嘅酸汁啫喱一齊食，調味簡單更能突顯鮟鱇魚肝嘅原汁原味✨
- 究極海膽
Susoshu嘅Signature之一，用上浜中小川赤海膽，每一瓣都厚肉，鮮甜濃郁一試難忘😚
- 松葉蟹甲羅燒
蟹蓋中放入蟹膏、松葉蟹肉、鵪鶉蛋、味噌同蔥，拌勻後再放到爐上燒，燒緊嘅過程中香氣不斷湧出，入口甘香濃郁，鮮味久久不散🤤
- 時令醋物
當日嘅係柚子醋啫喱，酸酸地開下個胃再迎接下一道菜🧡
- 特製和王和牛壽喜燒
「和王」亦即係和牛之王嘅意思，屬於熊本縣嘅頂級和牛。使用A4等級，油香豐富得嚟唔會太膩，加上自家製壽喜燒汁，焦香中帶甜，非常好食！落咗少少山椒粉調味，吃罷舌尖有少少麻痺感，感覺幾特別😌
- 櫻花蝦粉蕎麥麵
係上次食過覺得好驚喜嘅蕎麥麵！今次可謂係升級版，加咗樱花蝦粉再香口咗同多咗少少脆口嘅感覺，蕎麥麵一貫煙韌，依然係我心目中蕎麥麵嘅No.1！
- 夜空寒天
用咗「澪」氣泡清酒製作而成嘅寒天凍，味道清新，美貌同內在都兼具☺️
Post
