火土燒肉

餐廳以路營為主題，除左装修外，餐具都係露營系列，我地坐係露營枱配露營椅，即刻有種去左露營嘅感覺！.職員親切有禮，會好主動介紹座位上擺放嘅餐具，紙巾同不同類別嘅醬汁等，亦會跟據我哋喜好推介食材.A5宮崎和牛幻切沙巴當 $298整係聽個名真係唔知係咩😂店員推介呢款，我哋未食過所以一於點黎試下😎沙巴當係牛肩里肌同肋骨肉之間嘅一個部位，大概係牛肩胛部嘅下部，接近肋骨嘅部分，含有均勻緊密嘅霜降油花，店員幫我哋燒到7成熟，肉味濃郁，肉質軟嫩，不過油分較重食得太多會有少少漏.澳洲甜橙和牛三叉肉及大三角肉$138呢個亦係店員推介話係新出，甜橙和牛是一款採用香橙餵飼嘅和牛，會令到牛肉變得鮮嫩細膩。牛肉口感细腻、入口即化，油花均勻，仲有獨特既果香.厚燒豚腩肉$168豬腩肉有幾款味道可以揀，我哋就揀左塩醬。豬腩肉勁肥瘦分佈平均。油脂勁豐富，燒到外面焦脆好好食，而具完全唔會韌.燒雞皮餃子卷(生) $48以雞皮取代傳統餃子皮。外皮燒到金黃酥脆，而內餡鮮嫩多汁！雖然好邪惡但又好食.松葉蟹肉蟹膏拌飯 $88拌飯上鋪滿鮮甜嘅蟹肉絲，面頭有鵪鶉蛋，每一啖都係食到蟹肉蟹膏，好滿足。