川上龍 (Closed)

對上一次食川上龍都要數上2年前，今日同幾個朋友行完街， 見有啲肚餓， 決定再上去試多次。 今次叫咗水煮牛肉， 四川回鍋肉， 口水雞絲冷麵同剁椒蝦乾蒸茄子。。。先講水煮牛， 見辣椒唔見油， 好似比出面健康， 但好好咸， 似乎要再跟進一下。 至於個回鍋肉， 我同朋友覺得似用肥牛，估估下之際見有waiter 行過嚟， 就問下佢， 佢話係豬肉，只係切得好薄， 所以我哋會覺得似係肥牛。 個味ok. 跟住嚟咗個冷麵， 夠凍，清淡啲， 可以中和返頭先個牛。 最後係茄子， 大大碟， 剁椒唔太咸， 都可以， 仲食到茄子嘅甜。 合格！整體感覺上好似冇以前咁好食， 唔知係咪因為係下午食， 唔係晚市嘅關係呢！有機會下次搵晚再試下！