Beer & Fish (Closed)

其實之前已經試過中環店嘅Beer & Fish，仲記得佢個大大隻炸廣島蠔一試難忘，而今次上完堂見到原來大埔都有分店當然要試下佢啲嘢食同手工啤酒啦！Beer & Fish大埔店，環境都唔錯如果夜晚同朋友摸下酒杯底真係好正。餐牌有多款手工啤選擇，可以揀200ml/400ml/2lif，而店員都好有耐性解答不同手工啤嘅口味。點完餐之後，店員就好快手送上炸魚皮，而個做送酒小食都唔錯。炸新鮮洋蔥圈必食推介，我唔係浮誇但佢真係好好味，因為佢真係用新鮮洋蔥即炸，你食落去真伙會有洋蔥嘅甜味而且仲有好多洋蔥汁，而佢個炸漿加入咗啤酒，所以食起會外脆內爽甜。第一次食到呢個咁好味嘅洋蔥圈。即係炸廣島蠔廣島蠔肉質肥美非常大隻，而且炸出嚟唔會乾身亦唔會縮水果然真材實料，每一口都可以啖啖肉真係食唔停口，最緊要就係佢個黑啤炸漿，令食出嚟有丁麥味唔會太膩。Sucker Punch 手工啤酒比較易入口嘅手工啤酒，有熱帶水果、菠蘿、柑橘香味，如果想飲隻比較青新嘅手工啤呢個係唔錯選擇。整體呢間餐廳除咗有好多款手工啤選擇之外，其實佢嘅食物都好有水準。