Video
Read full review
2019-02-22
457 views
難得朋友今日早放工，就緊係約埋食餐飯傾下計飲兩杯啦，今日又黎我去開嘅養心殿啦。有睇我文章嘅朋友都知我係養心殿常客，因為佢個麻辣湯真係令人食上癮呀。佐敦分店係吳松街都算就腳，地鐵站一出行幾步就到。裝修維持一向作風，古色古香，獨有嘅屏風設計，稍為暗淡嘅燈光，營造出非常好嘅私隱感覺。門口有一個自助醬料區，自己出去隨便混個適合嘅醬啦。打邊爐點少得啤酒，難得Asahi都有買2送1，$64就有3支，超值呀今日我同朋友就叫左個鴛鴦鍋 - 麻辣鍋 x 美人鍋 $188。麻辣鍋方面，用左多種香料同藥材，面頭鋪滿辣椒，裏面配上鴨血同凍豆腐，叫左小辣，唔算辣，但係麻嘅感覺十足，味度岩晒我地。美人鍋就用左桃膠、烏雞、南棗熬製而成，養顏佳品呀，食之前飲啖湯打個底，補一補先。配料方面: 手切肥牛(大) $338牛肉色澤紅潤，食落有牛味，油脂分布比例啱啱好，放入湯裏輕輕滾佢十秒就食得啦，一陣就清碟。即炸脆響鈴 $68響鈴都可以話係打邊爐必備嘅配料，養心殿既即炸脆響鈴個人特別推介，份量足之餘，佢個面就算你淥左耐左都仍然好脆，唔似一般響鈴一淥就淋。手工丸類拼盤(12粒) $108黎個雜錦，一次過試哂全部味。手打的確唔同
難得朋友今日早放工，就緊係約埋食餐飯傾下計飲兩杯啦，今日又黎我去開嘅養心殿啦。有睇我文章嘅朋友都知我係養心殿常客，因為佢個麻辣湯真係令人食上癮呀。佐敦分店係吳松街都算就腳，地鐵站一出行幾步就到。
裝修維持一向作風，古色古香，獨有嘅屏風設計，稍為暗淡嘅燈光，營造出非常好嘅私隱感覺。
門口有一個自助醬料區，自己出去隨便混個適合嘅醬啦。
打邊爐點少得啤酒，難得Asahi都有買2送1，$64就有3支，超值呀
今日我同朋友就叫左個鴛鴦鍋 - 麻辣鍋 x 美人鍋 $188。麻辣鍋方面，用左多種香料同藥材，面頭鋪滿辣椒，裏面配上鴨血同凍豆腐，叫左小辣，唔算辣，但係麻嘅感覺十足，味度岩晒我地。美人鍋就用左桃膠、烏雞、南棗熬製而成，養顏佳品呀，食之前飲啖湯打個底，補一補先。配料方面:
手切肥牛(大)
$338
24 views
0 likes
0 comments
牛肉色澤紅潤，食落有牛味，油脂分布比例啱啱好，放入湯裏輕輕滾佢十秒就食得啦，一陣就清碟。
即炸脆響鈴
$68
15 views
0 likes
0 comments
響鈴都可以話係打邊爐必備嘅配料，養心殿既即炸脆響鈴個人特別推介，份量足之餘，佢個面就算你淥左耐左都仍然好脆，唔似一般響鈴一淥就淋。
手工丸類拼盤(12粒)
$108
21 views
0 likes
0 comments
黎個雜錦，一次過試哂全部味。手打的確唔同，係彈牙D！6種丸包括黑松露蝦丸、芝士牛肉丸、鵝肝墨魚丸、梅茶豬肉丸同蝦丸。個人最愛鵝肝墨魚丸，中間真係有粒鵝肝，油香陣陣呀。
寬粉條
$38
18 views
0 likes
0 comments
其實就係平時食到嘅薯粉，口感煙煙韌韌，煮到半透明就可以食用。吸晒麻辣湯嘅寬粉條，啖啖都充滿住麻香，越食越過癮。
翠絲水蓮
$88
20 views
0 likes
0 comments
台灣水蓮外貌有d似蔥，要用較剪剪開一段段去煮。食落口感幾特別，爽爽脆脆，冇痴牙，菜中既極品。
芝麻湯丸 (6粒)
$48
15 views
0 likes
0 comments
最後甜品搞下新意，叫左個湯丸預祝元宵。湯圓煙韌有芝麻香，好味。最估唔到係放落美人湯係幾夾，入口微咸，咬落又甜，幾過癮。至於放麻辣湯就不予置評，哈哈。
總括來講，養心殿個湯底真係令人食上癮，麻辣湯依然係我最愛。配料方面，各分店水準一致，維持高質嘅，加上坐得舒服又有個人空間，都會同朋友繼續黎。
Post
