金鶴拉麵 (閩街)

Open Now

Now Closed

係2023嘅一個平常嘅夜晚，我獨自一人步出佐敦地鐵站 C2 出口，穿過 4-5 個香港特色街道，嚟到鄰近官涌街市嘅金鶴拉麵 - 佐敦分店；餐廳外嘅裝潢同左右兩邊嘅店舖形成強烈對比，照亮門面嘅燈光，使得整個餐廳份外突出。按下牆上嘅自動門制，門徐徐打開，向好客嘅店員示意2位用餐，當晚光顧嘅食客比假日少，店員抱持專業嘅服務態度帶領我去到用餐位置坐低，靜靜地觀看餐牌同時等待共進晚餐嘅朋友，餐牌上印有各式各樣口味嘅拉及小食，包括將會品嘗嘅【香辣豚骨湯拉麵】、【極濃雞白湯拉麵】及小食【日式餃子】。【香辣豚骨湯拉麵】此拉麵絕非池中物，純白嘅雞白湯加入辣味香料將湯染成橙色，有如日落黃昏一樣讓人食指大動；湯底咸味適中質感濃厚；麵質粗幼適中咬口十足；荀味道鮮甜，可謂錦上添花；雞肉及豬肉並無因長時間浸泡湯而變得難咬。【極濃雞白湯拉麵】此拉麵作為該招牌拉麵加強版，湯顯然跟雞白湯拉麵有分別，湯嘅質感比普通版更為濃厚；并以牛蒡作為點綴，店員提醒牛蒡需要立即食，否則吸收湯汁後會變得難咬，新鮮製成嘅牛蒡相當脆口。【日式餃子】雖然此為日本人一般家常食物，但絕不馬虎，不但外皮香脆入口甘香；餃子肉餡亦相當飽滿，肉汁豐富。