飲茶 (朗豪坊) (Closed)

已經第二次黎食，之前係銅鑼灣店食過，今次就係旺角食，好食得黎又可以打卡，仲可以儲里數，經openrice訂座唔洗等又可以儲里數。今次都冇令我失望，都係甘好食！上次已經點過既皮蛋豆腐，旺角店都係甘滑。一籠八戒，外型得意，係叉燒包黎。雖然唔係話好好食，但外型取勝。上次都有點既橙棍冬瓜，酸酸甜甜真係好岩做前菜，開開胃。流口水雞，雞件好滑，口水雞夠惹味。舉手雞件真係必點，糖醋醬，雞炸得好脆，一字骨又方便食，極推薦點呢道菜！龍皇泡飯，呢個就有啲失望啦…太鹹啦…旺角店係第一次黎，我覺得銅鑼灣店環境舒服啲，因為旺角店係food court 隔離，人好多好旺，又限時90分鐘，好難慢慢歎茶。整體服務唔錯，店員都係後生仔女為主，揮手叫加茶果啲反應都好快，比起一般酒樓啲樓面叫極唔應或扮睇唔到你，呢到完全唔會有，店員反應快又好態度。不過都係中意銅鑼店多啲，上次去可能因為星期一晚市又靜，唔會俾人趕食，店員仲會主動過黎添水，但呢到太旺啦，店員都好忙。