荳子 (德福廣場1期)

Open Now

Now Closed

今年第二餐同大閘蟹有關嘅晚餐，估唔到又係同荳子有關～早兩日見到佢有突發期間限定Menu ～自上次蟹拼盤引起大閘蟹引，已經想再食～見到出post梗係即刻定位啦～是日晚餐為～大閘蟹蟹黃沾麵伴焗蛋白～侍應上餐時，一走近已聞到有濃濃嘅大閘蟹味，🤤🤤，醬汁好豐厚，蟹黃蟹肉都融入晒醬汁，每條麵都有足夠同豐厚嘅蟹黃醬汁包裹，徐徐入口，陣陣蟹香，醬汁沒有膩的感覺，反而有細膩的蟹香，麵條軟硬適中，唯一美中不足，由於醬汁比教多，如果多一塊半塊軟麵包索埋剩餘嘅醬汁就超完滿啦。(我當然唔放過清左佢啦)🤤🤤🤤🤤戴返頭盔先，我覺得好唔好食≠你覺得好唔好食，好唔好食因人而異。