川熙樓 (Moved) New Location

一個月都未到又再去川熙樓食食食喇，不過係同另一啲朋友仔去。今次見到食客比上次多，不過有訂位就冇問題啦，又係唔洗等呀！！我要求朋友仔唔好叫返我上次食過果啲菜色，等我再試下其他。為咗測試自己食辣嘅程度去到邊，今次六個菜色只有一款係唔辣！開始介紹喇1) 樂山甜皮鴨Face Book有推介嘅新菜色，甜甜地幾好味。 2) 芥末牛柳粒熱熱哋香氣撲鼻，芥末好攻鼻，食到流眼水，但好味好開胃。3) 椒麻鴨舌鴨舌軟軟。"利"疊"利"好好味。4) 蓉派香麻爬爬蝦瀨尿蝦肉入味，蝦殼都有好多辣汁。上次食過香蒜爬爬蝦，好香口。各有各味道。5) 情侶肺片牛肚配牛舌。6) 重慶酸辣粉，呢個真心覺得辣，不過仲頂得住。今次多咗暖暖麥茶，味道有啲似玄米茶，天氣開始轉涼喇，窩心窩心。