川熙樓 (Moved) New Location

真是一個字：正！椒麻雞麻味夠勁，但雞味略差。酸菜魚湯汁爽口，魚肉切的大塊但極其入味，湯底的蓮藕和黑木耳爽脆可口。土豆絲也非常有味，一餐飯吃得我大汗淋漓！川菜的靈魂被成都來的大廚發揮的淋漓盡致，非常棒！

咁岩係尖沙咀又想食辣野 openrice左一下就決定過哩間餐廳黎食酸辣土豆絲 - 真係又酸又辣，正！而且土豆絲好爽口不過唔係好識得辣既朋友就要小心啦，同行的2位友人都話太辣頂唔順。但係食得辣既絕對要一試！有一點搞笑既係土豆絲既大細好唔一致，有d似切出黎有d似刨出黎。蒜泥白肉 - 味道好清，就只有蒜蓉，蔥同青瓜絲加辣油。我唔中意有d蒜泥白肉個汁係好濁，類似加左花生醬之類既野。而且肉方面，上面果層白色既肉絕對唔係肥豬肉口感，而係好爽口。本身應該係有6舊，一人食左一舊之後先醒起要影相情侶肺片 - 佢入面唔只2種內臟，個醬就係上面我所講有小小濁既醬。而且只有其中一種內臟係做得爽口，其他都好淋。蔥油撈麵 - 麵既質地都算彈牙。佢既味道超似菜肉包味，以致我食既時候完全唔似食緊面，好似食緊菜肉包咁同埋佢份量好細，比普通女仔既手再大小小咁。擔擔麵 - 同上面撈麵係用同一隻麵，味道偏淡，但配上入面既花生米又幾香口。 同樣份量都係偏細。總體黎講食物都算ok，如果價錢再便小小會更好。唔記得講佢個茶好好飲，係玄米茶，真係一粒粒玄米泡出黎既茶。

呢度嘅川菜唔係正宗川菜。做法和味道同係四川食完全唔係一回事。甚至同中環三hey樓都差好遠。出品既不麻又不辣又唔香。如果喜愛正宗川菜，就無謂花時間啦而且價錢都唔平。我未食過用湯做嘅水煮魚。個啪青瓜上菜後 我真係好想笑，我估我自己整比佢整得更似樣。完全唔係嗰道菜。總之對於我呢個川菜fans來講好失望。唔通除咗去中環就要上深圳先有味道似樣嘅川菜？

放假同媽咪出左去食野,知道佢鍾意食野,所以搵左間中菜比佢去到餐廳,可能因為假日,所以好多人,但味道其實麻麻食左個粉菜心,D菜唔夠新鮮,其他配料都係唔夠鮮味青瓜有小小苦紅羅白算係好D,入口唔錯而且煮得好油,對老人家唔係咁好其他野食都係差唔多情況,下次都係試其他餐廳算

一班愛食辣的朋友話帶我去一間川菜試食辣菜，真的不知自己能食到幾辣，便跟著朋友一起去試試，沒想到原來自己都幾食得辣。情侶肺片 HKD58，一份涼菜的份量也不少，用上不同種類泡制而成。內臟我不敢食，只試了片牛展，牛展都幾通透又不會韌身，味道也不錯，少少辣味又不會辣到吃不下，都算不錯。 辣子生蠔 HKD248，送上枱時看見全部都是辣椒粒，都幾驚自己食不到，一碟只有4隻生蠔，確實有點貴。 生蠔都幾大隻，脆漿又不厚身，沒想吃下時是沒有油浸出來。脆漿好脆口，內裏蠔軟，蠔味都不錯，吃完辣味是從脆漿而出，這辣得來很單一的辣味，感覺也不錯。 因為怕食不下辣，所以要了一碗肥腸湯麵 HKD68，只是沒想到如此多辣汁在湯之中，我也怕自己吃不下。 肥腸湯麵有點過腍，味道都幾香辣，辣得來很清，辣度也不算很多，這種辣味又幾喜歡，但不是人人能接受這麼簡單的辣味。

終於完成人生大事，走向新一頁，今晚相約一同剛成人妻既wedding buddy去放縱一下味蕾-食辣野。 侍應先讓我們品嚐四川地道茶 - 苦蕎茶。味道有點像玄米茶，苦中帶點回甘，不錯。 先來一客蒜泥白肉。賣相相當精緻，豬肉肥瘦適中，中間夾著青瓜絲，食上來好refresh，亦中和了肥肉的油膩，當然亦減低了我倆的罪惡感！ 再點了𣙙麻鹽水蝦。蝦本身較為淡身，建議吃之前把底下的汁醬、青瓜同蝦一齊搞勻，讓蝦味道更出。主菜我們要了麻辣冷窩魚，亦即水煮魚。 魚肉得滑，調味用料十足，又麻又辣，芽菜暑粉好入味。越食越辣，亦越食越過隱！我倆今晚真的是大解放！幸福人妻暴肥之旅又多了一個checkpoint!

同阿媽喺尖咀行下街，佢話想食川菜辣下驅走濕氣，上開飯search到呢間川熙樓，睇相感覺唔錯，近近地又行過黎試下先。店內頗暗，近門口的bar位置沒開燈，不知是否不賣酒了？坐低不久店完送上了茶，打開看看，有點像玄米茶一粒粒的，味道十分清淡，也不太喝出到底是什麼茶了。倒是餐具很典雅，新淨企理。看餐牌見呢個乾鍋肥腸好靚咁，叫一客試試，賣相確實唔錯喎。一碟都有好多腸，仲有蓮藕，同勁多辣椒。腸入味得黎唔算太辣，好肥好多膏，口感不錯。另一個叫了富順香辣魚頭，餐牌上有大同小之分，原來小係半個魚頭嘅意思。好香辣，魚頭鮮甜肉嫩，點辣汁食好惹味。好鍾意食擔擔麵所以叫了呢個成都擔擔麵來試試，同平時食開啲好唔同呢。用的是乾麵，不太掛湯，開頭以為好辣，但原來一啲辣味都無，亦無花生醬味，有豬肉碎同蔥同煮，湯底傑但味道很淡，加點辣汁味道更好。埋單，食物份量不算大，相對價錢挻貴的，但個兩味送又真係幾好味，係個擔擔麵失望啲，或者成都口味係咁樣掛。順帶一題，原來喝的是苦蕎茶，解辣似乎不錯。

雞肉幾滑，麻嘅味道唔係好重，唔辣，果然係出名嘅菜式，值得一試~~呢個水煮魚唔辣，但係魚幾滑,份量都多， 碗底有芽菜同埋幾多紅薯粉，彈牙！環境幾幽靜，地方唔大, 乾淨，一個傾計唔錯嘅地方，有玄米茶

本人甚愛吃辣，且對川菜都情有獨鍾， 今日相約嗜辣知己到川熙樓品嚐一番。 一到步，侍應已親切的帶我們坐下，店內均用木製桌椅，別有特色，及後送上一壺熱茶。此茶入口有點像玄米茶的香氣，詢問下才知道叫苦蕎茶。 我地4個人一共order了4道菜，第一碟上嘅係泡椒酸菜魚，用了龍利魚柳，好軟滑，食得出用了很多亞麻子，咀唇都麻了，而且酸菜味濃，辣道適中。第二道係蒜泥白肉，齋看賣相就覺精緻，腩肉肥瘦適中，蒜泥紅油調味的比例剛好，加上少許青瓜絲的清爽，中和了腩肉的油膩感，不錯不錯！ 第三樣是三椒雞，用上了青紅椒加泰國辣椒三，非常野味，而令我最驚喜的是裡面的配角蓮藕！蓮藕吸收了三種辣椒的香和辣，而且十分爽脆！不能錯過！ 最後一樣是辣子杏鮑菇，原以為這道菜會比較清淡一點，怎料廚師對調味毫不吝嗇，裹上薄薄一層炸粉經過油炸後十分酥脆香口，會不經不覺一口接一口。

今晚book左4位去期待已久既川熙樓晚飯, 呢間川菜館我早早已經聽聞 而且評價很高, 而我又係一個無辣不歡既辣妹子, 所以十分期待!坐低之後, 急不及待點菜。首先當然係開胃菜 蒜泥白肉 樣子對版， 肉之間不但卷住一片青瓜 拌碟，更加配有大量青瓜絲， 好讓我地同時點到更多醬汁拌住一齊食， 惹味開胃！ 接著上枱既係酸辣土豆絲！ 這味菜係我去川菜館必點的、睇刀工已經知道這道菜合格了， 火候夠， 味對。接著上既係細細碗既擔擔麵。 最驚喜既居然係啲麵可以索晒啲湯汁，肉醬惹味， 花生香口， 正！跟住到主菜 酸菜魚，呢度用左龍脷柳有別一般餐廳， 優點係做到啖啖肉之餘又無骨， 而且酸麻辣香集於一體，配上大量酸菜同大豆芽， 份量夠多。 最後係三椒雞。 顧名思義當然係用3種辣椒煮成， 香 麻 辣！ 食到頭皮發麻 ！實在滿足晒一位辣妹既辣癮 ！最後加上一杯冰底可樂作結， 為今餐劃上完美句號！

進店後，看見其他食客很多都選吃大大碗的紅薯粉、麵條或其他湯品，大快朵頤。 蒜泥白肉 將一片青瓜卷在白肉中間，加點生蒜粒，又有白肉香味、又有青瓜爽脆、亦吃到蒜辣香。外間白肉，大多普通的放片白肉在碟子，此店撈著青瓜則豐富了口感，咬著結實的白肉，卻突然吃到爽口味淡的青瓜，確是過癮。椒麻鹽水蝦 杯身微彎，用杯子盛著蝦，優雅不礙位置。蝦爽而清楚，雖說是椒麻，卻極其清新，沒甚麼麻味辣味，吃多些或吃底部吸了汁的青瓜則有輕微麻痺。沙律菜恐防吸入過多麻味，所以我將它當作裝飾品沒有吃。生炒牛肉飯 鮮牛肉一片一片，比茶餐廳炒飯多很多，但飯粒不夠乾身，略嫌炒得不夠火喉。怪只怪吾等不太吃得辣，迫著點個淡味的炒飯而非粉/湯品吧。辣子生蠔 大量辣椒與生蠔一起炒，雖然那些紅彤彤的辣椒不能吃，但與生蠔一起營實在和味。生蠔又大又肥美，最大那隻直徑跟碗子一樣大。內裏仍然有點軟身，有點像流浮山炸生蠔。外皮鬆脆，內裏熱燙，美味極了。蛋煎糍粑 有點油膩，但是吧就像糯米糕，或是煎了的糖不甩一般，煙韌微甜，包着一層外皮去炸，難免有少許油膩。周圍有點黃糖及花生碎粒，添加口

之前在附近工作都不知道有這間四川菜，無意間發現了便相約朋友一試。其實位置不算難找，在E-SPRIT旗艦店轉入直行，只是因店鋪在商廈樓上，所以要搵就要留意一下樓下的廣告牌。 店內充滿四川特色，聽店員說這壺茶叫苦蕎茶，能降血壓和糖尿病，喝下有淡淡的茶香，不知為何還覺得好像有點解麻的作用。😜 前菜點了一個椒麻鹽水蝦，鹽水蝦十分爽口，配合青瓜感覺清新，建議食用時先將底下的汁撈勻較好吃，醬汁麻味較重但不算辣。再來一碟蒜泥白肉，蒜味十分香濃，反而沒有太大麻辣味，不嗜辣的人都可以吃得到。白肉本已十分爽口，包著青瓜吃更勝一籌。生炒牛肉飯，牛肉頗出色，相比起平時茶餐廳炒到老哂的牛肉碎，顯得特別嫩滑，唯炒飯可再乾身一點更佳。 第一次吃辣子生蠔，真是回味無窮！一碟雖只有四隻生蠔，但每隻足足有半隻手掌咁大，經辣油炸後十分香口，炸過的蠔仍然鮮味嫩滑，炸漿亦不會太厚，實屬必點之選！甜品種類不多，我們點了蛋煎糍粑，蛋漿包住搗成泥狀的糯米去煎，口感外脆內煙韌，面頭鋪上了一層甜甜的粉，吃著應該是用炒香的花生加了糖製成的。

係尖沙咀有一間四川菜係係亞士厘道，要上樓先搵到。唔熟路真係要搵多幾次先搵到。但為左一嘗四川特色，係左搵右搵既情況下都要食到佢既美食，係等lift既時候，有幾位外國人都係一齊去食呢間餐廳，入到餐廳都有幾個外國人，相信佢地川𤋮樓係外國旅遊都有介紹下。門面大大個照牌，餐廳骨子，地方闊落，用傳統紅黑色做裝修主體，富有中國特色。餐牌中英對照，果然有target外國人。未點菜，已奉上一苦蕎茶，經過炒制，味道帶苦但不失清香之味，對食川時特別有消滯清熱之用。先來一碟辣子生蠔$248，大量炸到鮮紅色既辣子，賣相極道令人覺得辣得非常可是膽粗粗既我，一於要試下。辣子果然炸得很可口，辣味中有辛麻但帶有甘味，間吃到辣子中的子會比較辣，可知辣味其實是由種子發出的。主角還是大大隻既炸得金黃色生豪，外脆內鮮。其脆口既感覺，直頭一咬就係口內化開。有機會必要一試。西域美極牛肉$108，需不知是否用上西域的牛，但睇得出唔係用上美極豉油煮既牛肉（誤。。。）。又一道紅色既食物。帶麻油既辣汁上係一粒粒正正方方既牛肉，牛肉很瘦沒有脂肪，有點兒像日本菜的一口牛。牛肉既味道是非常辣，口感不錯，有食完一粒又一粒既衝動。青炒木耳淮山$98

呢幾日天氣咁凍，朋友話不如食啲辣野暖下胃，就提議不如食四川菜，於是book咗尖沙咀嘅川𤋮樓。 招牌紅色，入面亦好有中國feel 中間有三大張圓枱，兩邊有幾張四人台。 店內採用嘅茶叫苦蕎茶，係一種炒米茶，呈青色，有助降低血糖同埋血壓，好健康。 餐牌大部分食品都係辣既 椒麻鹽水蝦 78係一個冷盤，似沙律蝦，杯底有好多細粒嘅青瓜，蝦肉咬落好爽口，整個感覺好輕盈好fresh，作為前菜非常醒胃。 冰鎮翡翠螺 98翡翠螺好大隻，食落好新鮮爽口，可以配上芥辣同豉油。 麻辣冷鍋魚 208好大鍋，好美味，因為魚肉好完整，冇煮到爛晒，帶少少麻辣味，冇腥味，令人忍唔住一口接一口食晒成煲野，煲底有薯粉，煙煙韌韌令人好飽。 辣子生蠔 248成盤紅色，上面有大量乾辣椒同香料，生蠔好肥美，冇因為炸完而縮細咗 炸粉唔厚，唔會太肥膩，帶點微辣。 蜀香啤酒鴨 $168雖然佢叫啤酒鴨，但係佢一啲啤酒味都冇，適合任何年齡人士享用，鴨肉亦都頗多。 生炒牛肉飯 138有啲似港式嘅楊州炒飯，飯炒得夠乾身，有鑊氣，可以中和其他食物嘅辣味。 泡椒娃娃菜 98平時食

最近天氣寒冷，最合適吃火鍋。想到吃火鍋，便想起去四川所吃的麻辣火鍋，但吃火鍋，人多才可以吃多些不同的食材，小貓三四隻，便改去吃川菜。一班愛吃辣的小貓，便相約出來去了位於尖沙咀的川熙樓，志同道合地菜選擇了不辣不吃的小菜。川熙樓環境都坐的舒服，也方也很大，都幾合適商務客人前來吃飯的地方。除此之外，川熙樓的川菜也做得幾有心，要辣有辣，要不辣也不辣，所以川菜的名菜也齊全，味道也算做得不錯。但價錢都不算很貴，這夜的晚飯，HKD263/人，便能不用身處四川，享受到四川菜的味美。*****************川熙樓，位於尖沙咀亞士厘道，一點都不難找，由地鐵站前往，10分鐘內必定到達大廈地面，還會看見川熙樓的牌在大廈外的路邊。然後進入大廈，坐電梯到川熙樓。無論經過大樓的招牌或坐電樓，都會看見川熙樓的名字，一定不會找錯。出電梯，便看到川熙樓門外的裝修，已經帶點民族風味。由服務員安排入坐，這裏地方很大，可以坐超40人。店內環境也坐旳舒服，裝修也算不錯。川熙樓的餐牌，銀色的字都幾精緻，給人很高尚的感覺。每人一套餐具，還有已預備好的茶，淡淡綠色的茶，味道都幾清，很特別。細問店員才知道叫苦蕎茶，HKD5/位