Video
Read full review
2011-01-08
42 views
今日(8-1-2011 Sat)男友要返工,同佢食個’早’餐先啦.去邊o度食好呢?佢話去千色店o個間日式西餐廳,我答A1?佢啲包同西餅麻麻咋喎.落到o黎,行經Pokka,佢話係呢間.啊,原來佢指呢間,唔平o架喎.我同佢行去A1睇睇先,menu上咁o岩有佢剛剛提過我o地舊年8月o係北海道四季彩之丘影婚紗相時,佢揀o既午餐~野菜雞腿咖哩湯配飯,相影出o黎係一模一樣o架,只售$49.00.之後行返去Pokka睇menu,嘩!呢間啲o野貴好多,都係唔喇,去A1,叫你食野菜雞腿咖哩湯配飯,睇吓呢o度好食啲定北海道o既好食啲.入到去,只有一枱客,我o地都被安排坐o係玻璃牆o既枱,我揀o左$58.00o既雜菜紅酒燴羊膝配蒜香飯餐.男友要$65.00o既焗意式蔬菜豬柳伴山葵薯茸餐一會後,冇得揀o既餐湯同餐包o黎喇,餐湯係白菌忌廉湯,湯係稀稀的,我竟然飲到白米味而唔係忌廉味.到底呢碗係乜水呀?味道: 0.1分餐包暖暖地,係有啲鬆軟但唔係超鬆軟囉.味道: 2.8分等o左好耐,第一枱o既客人至有主餐食,我o地都係,因為呢o度o既廚房好細.男友o既焗意式蔬菜豬柳伴山葵薯茸到o黎喇,我嗅到一大陣茄汁酸味,佢移開
之後行返去Pokka睇menu,嘩!呢間啲o野貴好多,都係唔喇,去A1,叫你食野菜雞腿咖哩湯配飯,睇吓呢o度好食啲定北海道o既好食啲.
入到去,只有一枱客,我o地都被安排坐o係玻璃牆o既枱,我揀o左$58.00o既雜菜紅酒燴羊膝配蒜香飯餐.男友要$65.00o既焗意式蔬菜豬柳伴山葵薯茸餐
一會後,冇得揀o既餐湯同餐包o黎喇,
餐湯係白菌忌廉湯,湯係稀稀的,我竟然飲到白米味而唔係忌廉味.到底呢碗係乜水呀?味道: 0.1分
餐包暖暖地,係有啲鬆軟但唔係超鬆軟囉.
味道: 2.8分
等o左好耐,第一枱o既客人至有主餐食,我o地都係,因為呢o度o既廚房好細.
男友o既焗意式蔬菜豬柳伴山葵薯茸到o黎喇,
我嗅到一大陣茄汁酸味,佢移開面o個件豬柳睇,咦?!有pat o野o既?
影低先.佢食啦,話係薯茸.佢係咁食,就話有wasabi味.啊,我o衣o家至諗起menu話有山葵,都唔記得添.然後試豬柳lu.豬柳好腍好鬆軟,味道都可以o既,但山葵薯茸係幾創新,又唔太辣.味道: 3分
之後我o既雜菜紅酒燴羊膝配蒜香飯到o黎,
件羊膝大大件.開餐喇,食食吓,女侍應走o黎同我講唔好意思,畀錯o左意粉,我呆o左一呆,咁點啊?換過?佢問我介唔介意食意粉?啊,原來係咁,我答冇問題.之後問返男友,乜落單時有問要飯定意粉咩?我聽唔到o既?佢答有,佢幫我答要飯o既.(o衣o家睇返影低o既menu,至知原來有寫蒜香飯,重話係紅酒燴,可能我一睇到羊膝就開心到其他o野都唔諗啦.)講返羊膝,開頭食落都好夠腍,有少少羶味,但食到有一邊係又o鞋又實,唔知係咪煮o既時侯冇幫佢轉身呢?而意粉呢?睇到有忌廉汁煮,原來用忌廉煮o既,
呢隻忌廉味就正常喎,點解忌廉湯會咁差呢?而且意粉好夠熱.其實我覺得羊膝配意粉會比較適合.味道: 4.3分
最後係餐茶,男友要凍檸茶,我要熱奶茶.好快就到o黎喇.我o地o既糖漿同淡奶都分開上.
我貪得意飲啖紅茶,茶味唔係太夠,然後加奶加一包糖.奶都冇加晒就成杯變o左熱奶.
唉!飲到最後好甜,因為啲糖未熔晒.味道: 0.5分
環境:
今日天氣都係得10度左右,雖然有陽光,但冷氣仍可以開細啲啫,坐入面重凍過出面.不過都好闊落舒適o既.
Post
