Video
Read full review
2019-02-22
502 views
一早有朋友話想試呢間既Zesta下午茶,咁岩今日請左半日假去interview,另外2位姐妹又得閒,咁就唔好浪費左呢半日假,去嘉里酒店享受返個休閒下午茶啦。地點都算難去,所以我地一齊約埋係紅磡搭的士過去,而大堂茶座就係酒店門口既右手邊,因為佢樓底高,有大玻璃,所以成個感覺好開揚好光猛,好舒服。我地3個人就叫左3個人分量既tea set,一黎到滿滿既食物放左係四方型板上,已經好吸引,大家影完相之後就開始食啦。鹹點有四款,比較特別好食既係伯爵茶醃海鱒魚配柑橘蜂蜜同埋茶醃鵪鶉蛋沙律漢堡包配魚子醬。海鱒魚好肥美,而且食落新鮮,配埋柑橘蜂蜜就更清新,而漢堡包既鵪鶉蛋沙律就比較淡啲,但配埋上面既魚子醬鹹鹹香香,就岩岩好。而甜點都有四款,比較好食既係70%朱古力紅茶慕絲泡芙同埋伯爵茶柑橘撻配栗子忌廉。70%朱古力紅茶慕絲泡芙既朱古力好香濃,泡芙一入口成個爆開都令人好滿足,伯爵茶柑橘撻配栗子忌廉既栗子忌廉好幼滑,同埋栗子味,個撻都好脆,配合得幾好。另外仲有兩款鬆餅,原味同埋Zesta茶味,鬆餅好鬆軟而又唔乾,配埋奶油忌廉就岩岩好啦。總括黎講呢度環境舒適,梳化位坐得舒服,偶爾係度嘆返個下午茶真係好寫意呀
地點都算難去,所以我地一齊約埋係紅磡搭的士過去,而大堂茶座就係酒店門口既右手邊,因為佢樓底高,有大玻璃,所以成個感覺好開揚好光猛,好舒服。
我地3個人就叫左3個人分量既tea set,一黎到滿滿既食物放左係四方型板上,已經好吸引,大家影完相之後就開始食啦。
鹹點有四款,比較特別好食既係伯爵茶醃海鱒魚配柑橘蜂蜜同埋茶醃鵪鶉蛋沙律漢堡包配魚子醬。海鱒魚好肥美,而且食落新鮮,配埋柑橘蜂蜜就更清新,而漢堡包既鵪鶉蛋沙律就比較淡啲,但配埋上面既魚子醬鹹鹹香香,就岩岩好。
而甜點都有四款,比較好食既係70%朱古力紅茶慕絲泡芙同埋伯爵茶柑橘撻配栗子忌廉。70%朱古力紅茶慕絲泡芙既朱古力好香濃,泡芙一入口成個爆開都令人好滿足,伯爵茶柑橘撻配栗子忌廉既栗子忌廉好幼滑,同埋栗子味,個撻都好脆,配合得幾好。
另外仲有兩款鬆餅,原味同埋Zesta茶味,鬆餅好鬆軟而又唔乾,配埋奶油忌廉就岩岩好啦。
總括黎講呢度環境舒適,梳化位坐得舒服,偶爾係度嘆返個下午茶真係好寫意呀。
Post
