RBTea

Open Now

Now Closed

同朋友行街行到攰，就想坐下，最後揀咗好近太子站嘅始創中心食下野。咁岩比我地見到一個舒適嘅地方，環境清幽。咁就決定同朋友一齊去食啦！RBTea係一間，感覺好舒服，同好relax 嘅地方，我同朋友就叫左個黑糖勢力set。依度包括黑糖珍珠鮮牛奶，黑糖布甸鮮牛奶，鹽酥雞拼盆，裏面包括除鹽酥雞之外，仲包括地瓜條、腸仔同蝦條。先講下個野飲，黑糖珍珠牛奶，黑糖同鮮牛奶夾得非常好，好似飲緊嗰啲珍珠奶茶，但係飲嘅係鮮牛奶，仲要係唔太甜嘅黑糖，飲之前有個巧妙位置，要先將啲黑糖同鮮牛奶撈埋一齊，撈勻左先飲，咁樣嘅甜度，同埋好味道，價值係100分，冇得頂！出面嘅黑糖通常都比較甜，呢杯黑糖鮮牛奶，佢嘅甜度正常，仲要好突出到佢嘅黑糖味道，但係又唔太甜，同先後奶配合得天衣無縫，仲要上面加咗個雪糕球正到不得了。之後就係黑糖布甸鮮牛奶，依個就多咗布甸，冇咗個雪糕球，但係佢飲落同之前嗰杯就係另一種味道啦，依杯個布甸唔太甜，仲有黑糖同布甸嘅味道同樣能夠散發而出，絕對唔會其中一種材料遮蓋另一種材料嘅味道，加上又係配合鮮牛奶，飲落去嘅味道真係零舍唔同嘅。之後就講食物啦，講下個鹽酥雞先，個鹽酥雞味道啱啱好，佢啲軟硬度，仲有鬆脆程