靚煲皇 (Closed)

而家打邊爐ge選擇好多，但要有格調得來又有噱頭就特別吸引，呢間喺旺角既靚煲皇，裝修唔似一間普通火鍋店，係一間飲下野，傾下計嘅好地方。呢度嘅火鍋選擇好特別，有辣有唔辣，全部湯底都係新鮮煲成，任君選擇鹽香骨大白菜煲湯底香濃，湯底亦都夠滋補；栗米份量都多，有得食，而個湯底亦都幾清甜。配料方面點左本地新鮮牛肉拼盤，擺盤夠別致。牛肉食落幾嫩，輕灼幾秒已經食得，好食嘅。另外點左牛舌，有食到日本牛舌既新鮮嘅味道同感覺，喺香港來講，相當難得。至於鮮蝦水餃，一份８粒，食得出有鮮蝦肉，爽口新鮮份量都幾大粒，但蝦嘅味道都出，配料索哂味道就咁食都正。價錢唔貴，幾抵食