金滿都越南餐廳 (Closed)

去完旅行攞左手信比朋友，朋友請我去附近食晚餐，餐廳在元州商場近興華街那邊，晚市人流都算多。我們決定一人要一個晚餐再另外加條魚。咖哩牛腩飯咖哩味不算濃郁，但咖哩汁有椰香，撈飯最正，牛腩炆得入味且腍，有些薯仔，整體不錯。海南雞飯雞有些雞件已起骨，雞肉嫩滑，雞油飯不會太油膩，配埋酸辣汁撈落去飯內食，味道不錯。明爐烏頭烏頭原條連爐一起上，冬天天寒地凍，邊熱住邊食唔怕魚凍左會腥，烏頭肥美且味厚，魚肉鮮甜，肉質結實，酸辣汁味道剛好且鮮甜。整體質素不俗，價廉物美，性價比高。