長發麵家 (Closed)

天氣開始轉涼，我就一定會去長發，嗰度嘅佈局、裝修入到去就好似返咗去雷洛豬油仔時代，最重要嘅係呢間雲吞麵舖係少有仲用緊豬油嘅其中一間，我就比較鍾意食舊式版本，豬肉餡料比例比較多再加上豬油，所以完全啱我口味，好多人都話豬油好唔健康，其實同牛油芝士咪一樣，唔好成日食咪得囉（笑）舊式做法，你要求爽麵就有爽麵，你要多青就多青，唔會好似某某麥X記多青要加$5咁市儈，價錢雖然感覺上都係有點貴，但係份量，味道都交足功課，唔係只有雲吞麵你揀，仲有好多其他款式不能盡錄