爆汗串串 (Closed)

好友生日前夕正苦惱要同佢食咩慶祝好，咁啱愛麗絲同事就介紹左爆汗串串依間四川野食俾我，話一定啱我嘅嗜辣朋友。-小店以放題形式為主，串串款式都已經有成37款！湯底除左有由十二種配料煮成嘅正宗成都辣湯，仲有唔辣嘅豬骨湯揀，每人加廿蚊可任食小食，再加三十蚊就任飲飲品。-嚟得四川餐廳，當然要叫辣湯啦，bb辣同小辣當中，就叫左小辣。湯底麻香味重，辣度適中，辣味唔嗆喉。37款串串入面，愛麗絲就揀幾款個人認為好食嘅講下：-腐皮、腐皮金菇、娃娃菜：依類索湯配料真係冇得彈，食到停唔到口，愛麗絲咀都麻埋😂-蓮藕、萵筍、西蘭花：初初以為依啲硬身蔬菜會麻麻地，點知佢地都幾入味，索索聲原來同麻辣湯又幾夾～-牛肉、五花肉： 肉類薄切好入味，唔算嫩滑但唔會鞋身，一串兩小片，唔怕食濟！-另外見佢小食都幾吸引，所以都加左廿蚊任食：- 蒜泥青瓜 蒜泥惹味，青瓜爽甜，簡直係必食嘅開胃小食😋- 麻辣千層肚 千層肚爽脆，但出奇地比其他小食辣，雖然嗆喉，但辣得過癮🥰- 麻辣鴨血 鴨血夠哂入味又唔會煮到爛哂，冇血腥味，encore左好幾次👍🏻- 酸辣厥根粉 基於好奇心下叫左個嚟食，口感q彈，酸辣比例各佔一半，可以一試～- 香辣無骨鳳