Video
Read full review
2014-03-10
3591 views
乍暖還寒的陰天星期一，來碗熱騰騰的拉麵最能感動人心。（最近窮到燶，想放肆就真）專登請左一日annual leave，神咁早由新界大西北出動到對面海睇下棚靚牙，當然唔會放過咁難得嘅機會去食下好野啦！咁啱天氣又凍凍地，單丁一個人，食拉麵一定係最唔突兀、最合適嘅選擇。早幾年前已經試過港島區排首位嘅魂拉麵，見到時間尚早，又符合步行距離，又係開飯餐廳排行榜第一位嘅神虎拉麵真係啱哂。（仰天大笑）盲鐘鐘咁由谷歌地圖帶路，行左二十分鐘就由中環區行到黎灣仔區。神虎拉麵係一間好易認嘅舖頭，見到大大個燈籠同大大條人龍就一定係。（當時去到只係十一點半，但成條街得呢間有一條四人人龍）喺神虎門口條人龍，望下對面地盤工人們裝安全帽嘅鐵籠，慨嘆下對面又有幢幾廿層嘅樓就黎出世…喺我就黎進入沉思狀態嘅時候，就到我入去喇。一個人，行左埋去bar枱(?) 前面近廚房位坐低。圈返碗神虎拉麵，再加個餃子就有人幫手落order喇。（都唔知哪來的肚量同金錢，一個女仔點咁多…）坐喺度無所事事，當然要周圍望下，打發下時間啦！煮拉麵嘅廚師好專心，侍應個樣好有日本人感覺，好多我唔識睇嘅日文…唔………咦！比我望到廚房入面有一大煲煲緊嘅湯，啲泡
專登請左一日annual leave，神咁早由新界大西北出動到對面海睇下棚靚牙，當然唔會放過咁難得嘅機會去食下好野啦！咁啱天氣又凍凍地，單丁一個人，食拉麵一定係最唔突兀、最合適嘅選擇。
早幾年前已經試過港島區排首位嘅魂拉麵，見到時間尚早，又符合步行距離，又係開飯餐廳排行榜第一位嘅神虎拉麵真係啱哂。（仰天大笑）
盲鐘鐘咁由谷歌地圖帶路，行左二十分鐘就由中環區行到黎灣仔區。神虎拉麵係一間好易認嘅舖頭，見到大大個燈籠同大大條人龍就一定係。（當時去到只係十一點半，但成條街得呢間有一條四人人龍）
喺神虎門口條人龍，望下對面地盤工人們裝安全帽嘅鐵籠，慨嘆下對面又有幢幾廿層嘅樓就黎出世…喺我就黎進入沉思狀態嘅時候，就到我入去喇。一個人，行左埋去bar枱(?) 前面近廚房位坐低。圈返碗神虎拉麵，再加個餃子就有人幫手落order喇。（都唔知哪來的肚量同金錢，一個女仔點咁多…）坐喺度無所事事，當然要周圍望下，打發下時間啦！煮拉麵嘅廚師好專心，侍應個樣好有日本人感覺，好多我唔識睇嘅日文…唔………咦！比我望到廚房入面有一大煲煲緊嘅湯，啲泡超似火山熔岩嗰啲好大個，之後慢慢爆開嘅嗰種泡。除左喺電視上面見到飲食節目介紹，唔親眼見都唔覺得個煲係咁大個。哈哈！感覺有啲surreal。
去個廁所之後再坐多陣，我碗拉麵就到喇！香噴噴，聞落好有豬骨嘅味道，湯嘅份量都浸過啲配料。當我諗住唔客氣，一野「不」啖湯黎飲嘅時候，一碟五件嘅餃子亦都上黎。注意，因為我係坐吧枱，所以食物係要由同個頭一樣高嘅枱拎落黎。但係非常心急嘅我，懶型咁一野拎碟餃子同醬油落黎，呢個時候啲醬油就抵受唔住地心吸力同萬有引力嘅引誘，掃射我張枱、件褸、同我碗拉麵…連隔離位西裝友都瞄左一眼……媽呀，對唔住，下次我唔扮有型喇……用左好多張猶如一縷輕煙嘅面紙紙清理好案發現場之後，我終於可以品嚐我面前等左我好耐嘅拉麵同餃子喇！拉麵湯頭唔係太油膩，油膩度喺接受範圍。青蔥好後生，但好似少左啲。加左十蚊嘅荀係我嘅飛佛，爽脆得黎又鮮味。叉燒略嫌肥瘦有啲唔均匀，有啲好似肥叉，但有啲就好似煲湯廋肉，但以佢呢舊叉燒嘅厚度都做到入口鬆化，都好值得再幫襯。拉麵硬度揀左廚師推介，我諗我食嘅係幼麵，得返少少彈牙，我諗我處理現場嘅時間令佢進化到咁……糖心蛋建議都唔好放咁耐，因為熱湯會浸熟入面嘅蛋黃，做唔到流心嘅感覺。
嗰五隻餃子係我食過咁多拉麵鋪之中做得最好嘅一間。大小方面，每一隻都好豐滿，唔會好似淘X餃子咁嘅攝牙罅size。一咬第一啖，肉汁喺口腔爆發，有小籠包三份一咁juicy。而得返丁屎咁多嘅醬油，相信有啲麻油同豉油，好香，將餃子可以將肉味帶去另一個層次……食左半個鐘，終於KO哂兩樣野。好對唔住師傅，我真係太飽飲唔哂啲湯……唯有下次再幫襯過啦！
PS 啲醬油真係好香，件褸好香好香……
Post
