采頤粥店

Open Now

Now Closed

冬天特別想食熱野，經過見到傳統粥店，即刻買啲粥品返屋企試吓。呢度嘅粥品價錢都幾抵，買咗一碗牛肉粥、一碗瘦肉粥同埋一碟炸兩。對碟炸兩有啲失望，油炸鬼唔係新鮮炸起，似乎擺咗一段時間，即使我好快返到屋企，啲炸兩都係淋得好緊要。不過最緊要係啲醬汁，有甜醬有豉油唔會衰得去邊。至於牛肉粥，就真係唔好食啦。我望住佢整，首先將免治牛肉佔據左半個外賣碗，跟住落熱粥，最後再落少少油。我覺得牛肉嘅份量多到有啲誇張，其實都唔係好食到粥嘅味道，而且啲牛肉亦唔係特別好食。瘦肉粥就比較正常，比例唔錯，但呢間粥店嘅粥底唔算特別綿，啲米都係一粒粒。