滑嘟嘟

Open Now

Now Closed

大埔有好多小店值得一試，今次想介紹一間位於熟食中心的小店，雖然佢毫不起眼，但永遠有一兩台客人係食緊佢嘅糖水或者甜品。天氣開始凍，最啱食返一碗暖冧冧嘅薑汁糖水。滑嘟嘟主打手工芋丸（當然見到好幾個客人都買一盒盒生芋丸返屋企自己煮），梗係要一試睇下有幾正。呢間店舖既芋丸大小有別，明顯係人手搓皮。第一啖飲嘅薑湯無咩料道，但飲多兩啖發現後勁凌厲，薑味由喉嚨滲出，慢慢運行到全身，熱辣辣啊。當日見到店舖仲買緊自家製的糯米糍，但係由於太飽冇試度，唯有等下一次佢再寫食評先！