梨泰院 (愉景新城) (Closed)

下晝同朋友去荃灣愉景新城行街，行行吓夠鐘食晚飯，記得早前去過一間叫＂梨泰院＂食飯覺得唔差今次繼續搵呢間食飯。🐔海鮮人蔘雞鍋$358店員一攞上嚟，立刻聞到好濃郁的人參味，呢嗰鍋份量超大，配料甚多，裏面配料有原隻雞，鮑魚、原筒魷魚、青口、虎蝦、帶子、蟹，配上釀左喺雞肉裏面嘅糯米同人參粒。海鮮都幾新鮮，款款都食到鮮甜味，虎蝦仲好爽口彈牙，鮑魚帶子好鮮甜，青口肥美大隻，雞肉嫩滑，糯米軟糯入味。鍾意食海鮮嘅人係最好嘅選擇，另外亦都有適當嘅菜，浸過上湯之後更加鮮甜。真係由一開始食，慢慢從淡身食到海鮮鹹香。🐂BBQ牛肩肉$168除咗打邊爐之外仲有燒肉食，份量都係一啲都唔吝嗇，仲配上生菜，肉質豐富Juicy，好夠牛味，仲有三款醬汁任你點(麻油、豆粉、BBQ醬），三種醬料各有風味，食嗰時我會用生菜包住牛肉點點醬汁一齊食，咬落去有生菜爽脆，和啖啖牛肉爆汁既多種感覺，真係幾滿意。🥤 飲品益力多乳酪沙冰，超級大杯，飲落去好清新，用嚟解一解油膩。雜莓梳打需要自己攪拌，酸酸甜甜，上面仲放咗一片薄荷葉，同樣清新。