雲魅 (Closed)

今日想食雞煲，但飲完杯珍珠奶茶飽飽地又驚食唔多。上OpenRice睇到呢間雲魅有雞煲食。而且價錢又唔算貴。咁就唔好諗咁多去試下新嘢喇。我地係平日嘅夜晚大約七點鐘到餐廳。食客都唔算少。我地點左個冬季限定嘅石榴雞煲。兩人餐價錢都只係$388。包括左半隻雞。兩份蔬菜，仲有汽水四罐。石榴有助消化，咁就唔會油膩啦。雞件醃得好入味。而且一啲都唔鞋口。雖然份量唔算多。但味道搭夠。兩份蔬菜都好新鮮。整體呢個價錢食到呢個質素嘅雞煲真係性價比高。推薦大家去試下。