Video
Read full review
2017-11-29
1291 views
飯意呢個平價食堂一直都係以抵食出名~~ 以前係深水埗開果陣已經排過好多次, 真係糧尾救星XDD 今次就去旺角分店食佢, 交通方便之餘食完仲可以去附近食糖水做下場XD 佢既巨型特長鰻魚蛋包飯令我留下深刻印象, 想再encore~~~但發現新出左石鍋飯系列, 同樣地都係有鰻魚選擇呢!!!! 價錢一樣係街坊價, 最平既燒黑椒牛肉六十幾蚊, 或者雞扒拼大虎蝦同燒魚都係七十幾蚊, 但我就揀左我既鰻魚BB ~~~~ 對於原條鰻魚既抗拒力係低d架喇XDDD 一上枱, 原條鰻魚依然震撼, 出去日本餐廳食既鰻魚動輒都三位價但可能份量唔多, 確係落重本既點餐選擇, 今次個石鍋飯比平時食既唔同, 就係用左咖哩汁, 飯份量十足, 就算係男仔食都應該夠飽, 咖哩汁滿佈飯面, 第一啖食落係日式咖哩味道, 偏甜, 但幾秒後微微辛辣味漸漸滲出, 相當濃郁, 用作拌飯一流, 不過因為飯量偏多, 咖哩醬如果更多就好。 鰻魚滿佈鰻魚燒汁, 香甜惹味, 無魚骨之餘魚肉算厚, 連埋底部既魚皮香黏滑口, 夾埋鰻魚皮一齊食, 魚脂豐腴, 算係有水準既鰻魚, 對比起日本餐廳有D會燒得更焦香, 呢到就無咁邪惡, 另外面既粉紅色好似爆炸
佢既巨型特長鰻魚蛋包飯令我留下深刻印象, 想再encore~~~但發現新出左石鍋飯系列, 同樣地都係有鰻魚選擇呢!!!! 價錢一樣係街坊價, 最平既燒黑椒牛肉六十幾蚊, 或者雞扒拼大虎蝦同燒魚都係七十幾蚊, 但我就揀左我既鰻魚BB ~~~~ 對於原條鰻魚既抗拒力係低d架喇XDDD
一上枱, 原條鰻魚依然震撼, 出去日本餐廳食既鰻魚動輒都三位價但可能份量唔多, 確係落重本既點餐選擇, 今次個石鍋飯比平時食既唔同, 就係用左咖哩汁, 飯份量十足, 就算係男仔食都應該夠飽, 咖哩汁滿佈飯面, 第一啖食落係日式咖哩味道, 偏甜, 但幾秒後微微辛辣味漸漸滲出, 相當濃郁, 用作拌飯一流, 不過因為飯量偏多, 咖哩醬如果更多就好。
鰻魚滿佈鰻魚燒汁, 香甜惹味, 無魚骨之餘魚肉算厚, 連埋底部既魚皮香黏滑口, 夾埋鰻魚皮一齊食, 魚脂豐腴, 算係有水準既鰻魚, 對比起日本餐廳有D會燒得更焦香, 呢到就無咁邪惡, 另外面既粉紅色好似爆炸糖既粒粒, 原來係甜既魚鬆呢!!! 真係配合到櫻花呢個主題XD 甜甜地幾得意~ 食左咁多肉同埋飯, 當然有返啲蔬菜, 西蘭花大大件夠爽脆。
最後另上既紫薑亦有中和油滯之感, 大家中意一併食或者分開食都得呢~
被長洲大魚旦呢個term吸引左, 究竟佢同鐵板可以如何扯上關係呢? 為左解開呢個謎底, 令我放棄左平時食開既小拼盤, 揀左佢黎食XD 一共四粒既大魚旦無長洲食既咁大粒, 以竹籤串連住~ 底部有層薄薄既煎蛋, 由於好薄身令香脆度增加, 煎得乾爽香口, 幾有特式。
魚旦皮比平時食既更厚同韌, 口感唔錯喔, 最正係入面超爽彈, 好少可食到咁有咬口既魚旦, 唯獨係魚味差咁D, 不過面既章魚燒汁同木魚碎一併食更滋味, 推介呢個小食!
另一個我次次都必點既一定係日本一口薯沙律, 本身呢隻日本薯價錢唔平, 一碟沙律廿幾蚊有六粒, 幾抵食, 生菜加埋蕃茄粒幾fresh, 主角一口薯夠甜夠粉, 好想再叫多個。
由於想食吉烈豬排但又唔想再叫個飯, 我地再encore多個吉烈豬排沙律, 唔似平時吉烈豬排有厚厚既麵包糠炸粉, 但仍然炸得香脆, 肉質偏硬實~
食左咁多野食有埋鰻魚都係二百蚊, 再一次證明呢到真係窮人飯堂糧救星XDD難怪成晚都係full哂… 好快又黎幫襯佢XD
Post
