Video
Read full review
2025-01-05
1624 views
香港｜荃灣｜江湖小棧冬天要食煲仔飯，於是就黎左呢間荃灣人氣餐廳。開17:30，但係星期六17:10去到已經排咗十幾人，好彩都仲可以第一輪入到，要食真係要早啲去排隊。自選煲仔飯3款配料$90（4款$95）白鱔 豉汁 臘腸白鱔有三大舊，厚肉，魚肉彈牙，新鮮。配埋豉汁，提升咗鱔既味道。臘腸係段切，都有6-8舊，不過唔係好夠香。煲仔飯上枱時都會提供豬油同豉油，加上後蓋住焗幾分鐘，就有飯焦食。由於今次有豉汁，豉油落得太多，搞到有啲過咸。燒通菜（蒜蓉）通菜燒過後比較乾爽，加上大量蒜蓉、炸蒜，都幾重口味。不過就$5x, 有啲貴。涼拌雞軟骨呢個比較重口味，醬汁好濃味，似燒烤醬，唔係好夾。整體來講煲仔飯值得一試，想食都係早點去，因為食完都幾多人排隊，煲仔飯亦要等20分鐘。江湖小棧 (荃灣)荃灣鱟地坊30號寶成大廈1號地舖#江湖小棧 #煲仔飯 #白鱔煲仔飯 #臘腸煲仔飯 #荃灣美食 #荃灣
冬天要食煲仔飯，於是就黎左呢間荃灣人氣餐廳。開17:30，但係星期六17:10去到已經排咗十幾人，好彩都仲可以第一輪入到，要食真係要早啲去排隊。
自選煲仔飯3款配料$90（4款$95）
白鱔 豉汁 臘腸
白鱔有三大舊，厚肉，魚肉彈牙，新鮮。配埋豉汁，提升咗鱔既味道。臘腸係段切，都有6-8舊，不過唔係好夠香。煲仔飯上枱時都會提供豬油同豉油，加上後蓋住焗幾分鐘，就有飯焦食。由於今次有豉汁，豉油落得太多，搞到有啲過咸。
燒通菜（蒜蓉）
通菜燒過後比較乾爽，加上大量蒜蓉、炸蒜，都幾重口味。不過就$5x, 有啲貴。
涼拌雞軟骨
呢個比較重口味，醬汁好濃味，似燒烤醬，唔係好夾。
整體來講煲仔飯值得一試，想食都係早點去，因為食完都幾多人排隊，煲仔飯亦要等20分鐘。
江湖小棧 (荃灣)
荃灣鱟地坊30號寶成大廈1號地舖
#江湖小棧 #煲仔飯 #白鱔煲仔飯 #臘腸煲仔飯 #荃灣美食 #荃灣
Post
