想甜嚐甜 (Closed)

天氣凍凍地就特別想食火鍋，剛好呢間新出左紫薯火鍋，當然第一時間去食啦店內燈光鮮明，裝修簡潔。冬日限定都有好幾款，個今次就選擇左甜蜜紫夢冬日火鍋。火鍋感覺細細份，但其實幾足料，有香蕉，士多啤梨，棉花糖，威化餅，麻糬，泡芙，紫薯雪糕？紫薯粒，紫薯仔，brownie，waffle，份量多到兩個人都食唔晒😂除左waffle味道比較差之外，其實配料都不錯，因waffle太淋身，沒有蛋香味。紫薯火鍋好香紫薯味，而且係用新鮮紫薯整，每一口都食到紫薯溶，如果不是奶味太出，應該更好食。隨鍋送左兩杯荔枝玫瑰茶味道比較清淡，荔枝及玫瑰味都得唔到平衡，兩者都係好淡味。