鳴門割烹料理 (Closed)

朋友喺九龍灣返工 介紹我嚟呢間日本餐廳食飯😆 餐廳裝潢簡潔 樓底夠高 仲會播住輕鬆嘅音樂 用餐環境好舒適😌✿ 二人博多風牛肉卷野菜火鍋套餐($388)火鍋湯底用咗柚子清湯 食落淡淡地大少少甜味咁幾清新 唔油膩👍🏻火鍋配料嘅擺設都好精緻 一共有三層～第一層係海鮮盛合🐟 有三種海鮮 包括三文魚 赤蝦同蜆 三文魚同赤蝦都可以當刺身就咁食 蜆就放落鍋打邊爐 質素都唔錯😋第二層係牛肉卷🐮亦都有有三種 分別係肥牛包住韭菜 韭黃同芽菜 食落口感豐富 而且包得好實淨 唔會好易散開🤓最底層係野菜🥬份量亦好多 有唔同種類嘅蔬菜 包括冬菇 秋葵 豆腐 粟米仔 娃娃菜 福袋等等😛