Pancake House HoiHoi (Megabox) (Closed)

見到HoiHoi Pancake 出咗新嘅冬日限定，於是就約埋朋友一齊去食喇。目玉燒夏威夷Pancake賣相非常有趣，成隻太陽蛋放咗響夏威夷Pancake上面。太陽蛋當然唔係真嘅啦，依個太陽蛋，蛋白係意大利軟芝士忌廉，而蛋黃係特製吉士醬。意大利軟芝士忌廉同Pancake好夾，Pancake蛋味依然一樣咁香。抹茶忌廉梳乎厘Pancake 叫咗一個夏威夷Pancake、咁另一款當然要揀梳乎厘Pancake啦。今次就要咗抹茶忌廉口味。抹茶忌廉甜而不膩，而充滿空氣感嘅梳乎厘Pancake更係食到非常難忘。宇治金時依個係今年嘅冬日特飲。宇治金時原本係一款甜品嚟，今日變成飲品，都幾特別。抹茶同牛奶味平衡，再加上十勝紅豆粒，夠哂特別。仲有個靚靚嘅拉花，真係好有心思。焙茶牛奶依杯熱飲都有一個靚靚嘅拉花。焙茶味好突出，同牛奶都幾Match。