Zakka (Closed)

這天在銅鑼灣睇完星戰，充滿原力……跟住做啲乜，最窩心莫過於三五知己一起，嘴裡一邊嘗甜，一邊談天說地……在百德新街，一間充滿西日式風情、感覺開揚唔使迫既店舖，跟戲院咫尺之遙，這兒座位眾多，環境佈置清新簡約，甜品製作與主餐部分採開放式設計，食客可以"監督"整個製作過程，又可以同步偷師，嘻嘻！冇嚟一排，原來已經轉咗甜品餐牌，香橙朱古力布朗尼芭菲杯‧朱古力雪糕 、黑白朱古力流心布甸‧雲呢拿雪糕 、榛子朱古力慕斯班戟 ，啱曬我哋呢班甜品控，咁就每樣一客，一齊share。甜品師創作既芭菲杯以香橙肉混和杯中，除咗顔色點綴外，真正用意係夾埋布朗尼、雪糕同食，口腔即時refresh唔會嗆喉，不期然食多幾羹，真係"魔鬼"！😂第二道甜品黑色朱古力布甸一切開，白色朱古力流心傾瀉而下，配合雪糕一齊食，冷熱交融，口感一絕。第三道甜品榛子味道濃烈，慕斯夾在三層班㦸之中，好有層次。街上寒風凜冽，我哋窩在室內嘗甜，濃濃的朱古力香瀰漫一室，再來一杯暖暖香橙肉桂茶……肉桂浸泡伯爵茶內三分鐘，就最好飲！如果說肉桂屬於冬日，咁……呢杯香茶就一定屬於我！😎