Video
Read full review
2021-12-29
235 views
📍Antoshimo Cafe & Bakery喺大本營入面見到間好有日本風情嘅餐廳，仲有人龍喺出面，好奇心驅使下攞左飛試下，好彩冇中伏(⁎⁍̴̛ᴗ⁍̴̛⁎)🍽食物：嗌左個沖繩二段鍋燒定食$89，有齊主菜烏冬甜品同特飲~烏冬：超蕃茄濃度8鍋燒烏冬 6/10烏冬用石鍋裝住可以保溫，食到最後都仲係熱嘅。湯底好傑，食到有蕃茄肉，但係蕃茄嘅鮮甜味唔明顯，味道比較單調，不過感覺唔係落茄汁調味。烏冬係粗身個隻，煮得彈牙有咬口，幾中意個口感主菜：牛油鍋燒三色野菜雞卷 7/10呢個係用雞肉包住甘荀、露荀同牛蒡一齊煎，雞肉上面仲連住雞皮，雞皮煎得香口但略嫌癡住皮下脂肪有啲肥膩。雞肉好嫩，但中間啲野菜好少同埋有啲淋，冇咩存在感😂試唔試都得甜品：沖繩海鹽焦糖冬甩雪糕 10/10其實我係見到個甜品先決定食呢間，冬甩係即叫即炸，上到來仲係熱辣辣，咬落去好有彈性但又唔會好硬，好似Mister Donut嘅波堤🤤真係好掛住佢🥲原來香港都可以食到類似嘅味道真係好開心～配埋雪糕一涷一熱咁食真係好正！特飲：熱黑糖菊花茶有淡淡嘅菊花味，本身係無糖嘅，我就冇另外落糖都覺得ok⛩環境👍🏻餐廳裝修用左好多沖繩嘅元素，亦好有日本家庭餐廳嘅
喺大本營入面見到間好有日本風情嘅餐廳，仲有人龍喺出面，好奇心驅使下攞左飛試下，好彩冇中伏(⁎⁍̴̛ᴗ⁍̴̛⁎)
🍽食物：
嗌左個沖繩二段鍋燒定食$89，有齊主菜烏冬甜品同特飲~
烏冬：超蕃茄濃度8鍋燒烏冬 6/10
烏冬用石鍋裝住可以保溫，食到最後都仲係熱嘅。湯底好傑，食到有蕃茄肉，但係蕃茄嘅鮮甜味唔明顯，味道比較單調，不過感覺唔係落茄汁調味。烏冬係粗身個隻，煮得彈牙有咬口，幾中意個口感
主菜：牛油鍋燒三色野菜雞卷 7/10
呢個係用雞肉包住甘荀、露荀同牛蒡一齊煎，雞肉上面仲連住雞皮，雞皮煎得香口但略嫌癡住皮下脂肪有啲肥膩。雞肉好嫩，但中間啲野菜好少同埋有啲淋，冇咩存在感😂試唔試都得
甜品：沖繩海鹽焦糖冬甩雪糕 10/10
其實我係見到個甜品先決定食呢間，冬甩係即叫即炸，上到來仲係熱辣辣，咬落去好有彈性但又唔會好硬，好似Mister Donut嘅波堤🤤真係好掛住佢🥲原來香港都可以食到類似嘅味道真係好開心～配埋雪糕一涷一熱咁食真係好正！
特飲：熱黑糖菊花茶
有淡淡嘅菊花味，本身係無糖嘅，我就冇另外落糖都覺得ok
⛩環境
👍🏻餐廳裝修用左好多沖繩嘅元素，亦好有日本家庭餐廳嘅感覺，見到有唔少家庭來食
👉🏻除左側邊嘅卡位，餐廳中間係兩張長枱再用隔板隔開，同隔離枱嘅距離都幾近，不過好彩張枱夠大，唔會太迫
💁🏼♀️服務
👉🏻員工並唔係滿面笑容但都算服務殷勤有禮貌，會積極收碟
📝總評 7/10
個冬甩令我對成餐飯加左唔少分，至於其他食物就冇咩特別但係唔伏，不過價錢有啲進取，最後埋單接近$100一個人。呢到可以感受返日本嘅氣氛，偶爾試下冇壞，如果經過我可能會就咁買冬甩食🤣
⏱冇限時
👛人均消費 $100 (連加一服務費)
Post
