沖繩二段料理 (大本型)

Open Now

Now Closed

呢個時刻，想搵食實在艱難。如果人未修練到可以餐風飲露既境界，就唯有在人間繼續尋找美食。呢間雖然唔算好食到蹦蹦聲，不過去到個度諗唔到食乜時，行入呢間肯走穩陣唔失禮。呢個間都係用手機自助點餐，相信都係大趨勢，你話而家唔記得帶手機出街，除咗心掛掛手痕痕之外，係直頭食唔到飯。呢個炸雞芝士飯，佢加左芥辣喺炸雞上面，感覺比加沙律醬差唔多，係多咗少少微辣感，不過炸雞本身唔夠脆，食食吓有啲印象啲雞粒喺急凍鋪好似見過。反而我欣賞個飯，由於本人唔係好鍾意食飯，但係都覺得個飯好好食，一粒粒好分明又煙韌，個汁食落都好開胃。另外朋友叫咗個豚肉鍋加蒸飯，我就無試過，朋友話算ok。今次要點提係佢個餐嘅甜品，個冬甩真係非常之好，上面嗰啲雪糕就梗係一般嘢，但係下面個冬甩好有蛋香味，軟軟地又脆，有少少雞蛋仔feel，同埋佢唔似其他冬甩咁甜，真係成餐最欣賞就係個冬甩，我下次一定要單買幾個走。