Munchies (Closed)

非常有趣既一間店，應該係新開因為無咩客人，門口有塊黑板寫左D食品同堆畫左D公仔，好有文青feel。一入到門口就見到好多donuts同cookies，我望到眼都發光。呢到好特別，佢donuts同cookies可以用黎夾ice-cream, 有少少似韓國之前既馬卡龍夾雪糕? 當然一場黎到緊係要試最特別既野啦。店員推介我食salted caramel味既冬甩夾coffee 味既雪糕。呢到既雪糕係有機自製既雪糕，食落帶沙粒口感唔會太甜有微微既咖啡苦同香，唔會假甜，終於試到d真正有苦味既咖啡雪糕。冬甩微暖，雖然甜甜咸咸好奇怪但又好夾，軟淋淋既口感外面有層痴痴立立既焦糖外層包住，食到咸味又食到焦糖味，我開頭以為硬既係冬甩軟既係雪糕，食左之後發現原來兩者係掉轉，感覺好新鮮。總結一句，呢個冬甩雪糕真係必試，食完你會感覺到咩叫天堂的味道，雖然呢個價錢真係有少少貴同埋都幾肥，但係一世人真係要試一次。你唔會後悔