Video
Read full review
2021-12-19
79 views
今晚同小鮮肉預早食冬至飯, 今晚反傳統唔食中菜, 嚟到尖沙咀的Masala Hut & Cafe食印度菜, 印度香料超多種類, 強而濃烈, 我就鍾意佢哋嘅燉肉及印度烤餅, 百食不壓。Masala Hut 裝潢有格調及貴氣, 空間感十足, 枱與枱之間有足夠嘅社交距離, 座位又舒服。湯、小食、主菜及甜品, 大部份都系印度特色菜, 酒精當然少不了。開飯前先來啤一啤, cheer >>>>>>Butter nan ($38)食印度菜, 又點少得印度薄餅拈汁呢?Nalli Nihari ($148)慢煮羊肉內有一隻羊髀及數件連骨羊肉。慢煮過的羊肉很鬆軟, 肉質唔嚡, 羊髀肉與骨之間片白膜甘香肥美, 印度咖哩辣汁非常濃香, 香香辣辣, 辣度屬於中度, 入口充滿印度香料風味, 齋食略嫌偏鹹, 配白飯或印度薄餅就very goodGoan Fish Curry ($138)呢個黃咖哩汁, 比起慢煮羊肉個汁冇咁辣, 辣度比較親民, 香得黎仲有椰子香味, 我比較鐘意用呢個汁伴nan 食。魚件嫩滑, 切開細細件再淋上黃咖哩汁食, 香口滑溜。classic i
Masala Hut 裝潢有格調及貴氣, 空間感十足, 枱與枱之間有足夠嘅社交距離, 座位又舒服。
湯、小食、主菜及甜品, 大部份都系印度特色菜, 酒精當然少不了。
開飯前先來啤一啤, cheer >>>>>>
Butter nan ($38)
食印度菜, 又點少得印度薄餅拈汁呢?
Nalli Nihari ($148)
慢煮羊肉內有一隻羊髀及數件連骨羊肉。
慢煮過的羊肉很鬆軟, 肉質唔嚡, 羊髀肉與骨之間片白膜甘香肥美, 印度咖哩辣汁非常濃香, 香香辣辣, 辣度屬於中度, 入口充滿印度香料風味, 齋食略嫌偏鹹, 配白飯或印度薄餅就very good
Goan Fish Curry ($138)
呢個黃咖哩汁, 比起慢煮羊肉個汁冇咁辣, 辣度比較親民, 香得黎仲有椰子香味, 我比較鐘意用呢個汁伴nan 食。
魚件嫩滑, 切開細細件再淋上黃咖哩汁食, 香口滑溜。
classic infian kesar ice cream ($48)
今晚我叫左ice cream做甜品, 印度 ice cream 有一個特色, 佢哋鐘意加芝士落雪糕度, 雪糕富較強的芝士奶香, 聰明地以薄荷的清新香氣中和, 雪糕香滑, 還有粒粒開心果碎咬吓, 唔太甜, 不錯的印度甜品
Chef recommendation ($48)
小鮮肉叫嘅甜品, 佢話要神秘感喎, 兩杯甜品一齊, 我覺得呢杯比較似雪糕
試咗一匙, 呢個產品真係幾特別, 裏面有一舊舊好似滑溜版的冰豆腐嘅物體, 兩條文研究咗好耐都食唔出系乜東東, 同女服務員八下, 真係surprise, 原來係Cottage cheese, 唔怪得呢個甜品奶味咁強, 甜度相對我杯雪糕亦較高, Cottage cheese做甜品幾得意。
Post
