Video
Read full review
2014-12-29
2543 views
冬至日，屋企一向唔做正日！唔約家人，可以約朋友一起吃喝玩樂！大家約在灣仔，避開中菜（個個都做節 ）揀咗呢間口啤唔錯嘅馬來亞餐廳！打電話去仲可以接受訂位！去到在酒吧之間一間特色餐廳！籐製桌椅，加室內裝飾，好富東南亞色彩！因為我哋剛血拼完，有好大袋戰利品，招呼嘅經理好幫手安排個靠牆四人位，可以安放戰利品，安心食飯！自己都係第一次在香港食馬來亞菜，香港比較多係泰菜或星洲菜，以馬來亞菜為主嘅餐廳唔多！原來唔止肉骨茶同咖哩！其他都仲有好多款式！我們主要試平時無食過嘅！仲見到其他馬來亞籍人來食，可見味道應該幾正宗！ 海鮮喇沙：湯底好濃好杰，椰汁味重，唔辣，米粉爽口彈牙，材料好多，豆卜索晒啲湯！魚片厚切彈牙！海鮮種類多！全部爽口！ 油酥餅：呢個係食家推介，店內有個馬來亞人新鮮做，不過我哋坐得遠，睇唔到表演！上枱已經好喜歡，好油香酥化，煙煙韌韌！我哋用佢點麥卡莉汁！酸酸地好哋！ 香草羊肉串：呢個係肥髀想食，問經理一客有幾串，佢話兩串，心唸$98一客得兩串？（我用平時泰式串燒聯想）經理解釋兩串羊肉串係西式大塊肉嘅size，咁我哋叫一客，上枱賣相已經好鍾意，一個木桶仔插住兩串羊肉，羊肉好香香草味，
海鮮喇沙：湯底好濃好杰，椰汁味重，唔辣，米粉爽口彈牙，材料好多，豆卜索晒啲湯！魚片厚切彈牙！海鮮種類多！全部爽口！
油酥餅：呢個係食家推介，店內有個馬來亞人新鮮做，不過我哋坐得遠，睇唔到表演！上枱已經好喜歡，好油香酥化，煙煙韌韌！我哋用佢點麥卡莉汁！酸酸地好哋！
香草羊肉串：呢個係肥髀想食，問經理一客有幾串，佢話兩串，心唸$98一客得兩串？（我用平時泰式串燒聯想）經理解釋兩串羊肉串係西式大塊肉嘅size，咁我哋叫一客，上枱賣相已經好鍾意，一個木桶仔插住兩串羊肉，羊肉好香香草味，睇落好juicy,1串四件羊肉，熱辣辣，食落唔羶，好多肉汁！香草帶出羊肉鮮味！正！
麥卡莉汁燒雞：呢個純粹因為未食過，上菜見係紅色醬汁蓋住幾件雞肉，醬汁好杰身，味道酸酸地（餐牌話係牛油茄汁）好濃酸茄味！點油酥餅剛好！雞肉嫩滑！份量都幾大！好味！
印度燒烤餅：因為仲帶有點肚餓，又有麥卡莉汁剩！所以叫多客烤餅，叫另一款印度烤餅！烤餅都等咗好耐！啲醬汁都凍了！比油酥餅乾身硬淨，味道會淡啲，點醬仲好味（唔會搶咗醬汁本身嘅味道）熱辣辣好味！
馬來椰絲炸香蕉：呢個係甜品，樣子似糖不甩，不過朋友唔鍾意食椰絲（參考照片有好多椰絲灑响面）經理又好照顧我們，話可以走椰絲兼灑上面嘅花生糖粉另上，（佢服務真係好到唔話得）上枱賣相幾好，比埋乾淨叉及碟，叉一件炸香蕉撈滿糖粉，味道其實唔錯，香蕉軟糯，配甜糖粉味道好夾！但有點油溢味，唔太新鮮！應該要換炸油了！
椰青--好新鮮清甜，解膩、解辣一流！
啤酒--正常
食物真係唔錯！經理服務無得頂，雖然笑容欠奉，但解釋好詳盡，我們分開加幾次食物，每次都問佢一輪問題，其他店員就個別有一個後生仔在遊魂！成日飄過但又唔會望下客人需要，次次都要叫！（飄過幾次，成日望手機）廁所雖然細啲，但乾淨，設備都幾齊全！
呢間馬拉菜可以一試！
Post
