莎巴馬來西亞餐廳 (Moved) New Location

今次來到這家馬來西亞餐廳，真係一個味道嘅探險🍴🌏！檳城酸辣海鮮飯來個色香味俱全，啖啖海鮮，夠晒鮮甜，又有蝦片嚟加crunchy嘅口感，真係令人食指大動！馬沙拉咖喱牛喺我口中慢慢溶化，牛腩炆到爛漫，咖喱嘅香濃夾帶小小辣，飯完全唔夠食😋！南印度蘿根咖喱雞個咖喱香氣撲鼻，椰味提升左整體嘅層次感，雞肉又嫩，真心不錯！而椰子海鮮飯，那個椰香真係撲面而來，只係海鮮略嫌少咗啲，如果多啲嘅話，真係完美。整體嚟講，這個飯堂提供嘅美食加深咗我對馬來西亞菜嘅愛❤️！這種平民化嘅食評，希望可以引你一試呢間充滿南洋風味嘅地方！

幾年前已經喺呢間餐廳嘅忠實粉絲，最近同事同我講，佢10月8號灣仔分店就會關閉，呢排就食咗幾次，一次過同大家介紹，希望大家係關閉之前都食翻一次兩次，因為真係好好味！午餐其實有好多款可以揀，每一款真係好好味㗎！$78 再另外+1，咁嘅質素好抵！海南雞飯 $78個飯唔會太油，但有浸浸香味，啲雞好滑，不過啲皮好肥所以我會唔食啲皮，但啲雞真係好正，果醬好特別！青咖喱雞配油鬆餅 $78同事推薦我食個鬆餅，好鬆軟好好味！依家見到都好想再食返，重點係唔會太油，個雞都好滑好入味肉骨茶米線 $78係openrice見到佢話係蔡瀾推薦，果然名不虛傳，感覺冇用到味精，個味好濃，我係飲晒成碗湯，啲米線就正正常常，啲料超好味！推！海鮮喇沙米線 $88我鍾意個肉骨茶，朋友就鍾意呢個海鮮喇沙，佢覺得個喇沙味好入味，唔太鹹仲要有浸海鮮味，佢係我食到一半嗰時已經食晒一碗！嘢飲就通常叫凍拉茶同拉啡，兩杯都唔會太甜，食完咁好味嘅飯就有個好好味嘅飲，好爽！好得意嘅佢仲會送兩粒日式和果子做飯後甜品，好可愛啊！總括依然係一間好好味嘅餐廳，好可惜佢10月8號就係最後一日，我諗我都會食咗一兩次嘅

上禮拜同朋友一齊去食晚飯，去到都8點幾唔係好早。餐廳入面人唔係好多，直接比四人台我地坐❤️我地兩個都極肚餓下，就叫左一個海鮮喇沙麵，加青咖喱雞同埋油酥餅試下。 朋友平日係附近返工，都話平時lunch得閒會黎食下，唔係話好平，但係灣仔呢個地段都唔會平得去邊啦，合理範圍之內啦～海鮮喇沙簡直係我咁耐以黎食最濃湯地嘅一間鋪頭，超級香濃，好creamy同足料😭😭本人好鍾意食海鮮，覺得佢哋海鮮唔會話真係好好好新鮮嘅個款，但係真係會比足料嘅餐廳以及多間，有蝦有青口之類真心良心啦😌😌❣️我地一開始以為青咖喱會無咁吸引，因為喇沙太出色😂 但係竟然同樣地吸引😭會比較辣但係接受到嘅程度👍🏻👍🏻 加埋油酥餅真心一流，唔會太油，好食好食❤️ 不足嘅係佢野飲唔係好得，我地一個叫珍多冰，一個叫紅豆冰都覺得佢椰漿陣味怪怪地😰😰老闆話佢哋8/10就會結業啦，大家有機會都要黎試😼😼

日子好似一直係度倒數緊咁，據同事小道消息，莎巴10月5日就會榮休，聽完之後我都有再問，「唔係另外揾舖位咩？」，「而且淨係寫住榮休咋。」😱😱😱😱😱 今朝既話題後，唔難去諗中午Lunch 食啲咩。。😝 去到沙巴，明顯無平時咁多人，等左都無1min 就有位，Luncky~~ 睇下餐牌食咩先，喇沙狂熱既同事依然不離不棄咁食喇沙，另外位同事就試下海南雞，而我就揀左海鮮炒飯。因為有蝦片🍤🍤🍤 Yeah!!海鮮炒飯味依然足料，不過今次啲飯硬左啲，蝦片好脆。👍🏻👍🏻 又夠晒大碟，一定飽肚。喇沙個湯底好香唔辣，話説我次次只係偷飲同事一口喇沙湯，從來都未食過，下次來一定要食，希望仲有機會食到佢地既嘢啦！💪🏼💪🏼

知道因為租約期滿嘅關係餐廳做到10月，今日心血來潮去灣仔食午餐，決定再一次到訪。其實如果唔係食評嘅紀錄都唔記得好多年前食過一次😂香港依類舊式星馬泰餐廳其實越來越少，希望佢快啲搵到舖位重開海鮮喇沙$88第一次幫襯嘅時候已經欣賞餐廳既喇沙麵，一般米粉一半油麵，配料好多，魚片豆卜青口魷魚蝦，魷魚同蝦都係急凍既所以我都冇食到。呢度嘅喇沙湯底應該係蝦去做底，在加喇沙香料去調味，令到成個湯底好鮮甜，椰汁味唔會太多唔會蓋過鮮味。🐯平時食麵，都淨係食麵好唔會飲湯，今次竟然係咁飲個喇沙湯馬沙拉咖喱羊肉$138羊肉炆得好琳，不過就冇咩羊味啦，係俾啲香料蓋過依種咖哩唔係太啱口味，雖然有辣味但係就香料比較多薯仔簿餅$55餐牌入邊有好多款薄餅，吸引到我嘅係薯仔薄餅😬開頭以為係用薯仔差成簿餅，原來入邊係咖喱薯仔餡料，都幾特別。好香口，有好多香料，雖然價錢貴左少少，但係絕對會飽肚

係灣仔返工，同同事最常光顧的就是這家馬來西亞餐廳。這間的馬來西亞菜做得很不錯，故知道就快結束營業時，真係有點失望，又少了一間午餐好選擇了。平時中午時間都好多人，即使訂左位都未必可以準時入座。我很喜歡食喇沙，覺得這家的喇沙湯底很濃郁所以到餐廳時經常都是點餐廳menu上的雞絲/海鮮喇沙。今次就轉轉其他，試了蘿根咖哩雞配飯。咖啡做得不錯，不過薯仔就有點硬，雞肉可能因為煮的時間長而不太滑口。其實可以選配印度薄餅或飯的。同事就點了咖哩配薄餅，果然印度薄餅沾上咖哩汁都頗搭配～ 中午set lunch都奉送飲品。

係莎巴食過幾次，都未寫過Comment，原因係我次次食完寫唔切就己經食第二次了。。所以唯有儲埋一次過寫。個人太懶惰，真的不好意思了。😅😅😅第一次來莎巴度食就係食佢個蝦湯麵🦐🦐,而同事就食海鮮喇沙。蝦湯麵不錯的，個湯底好香蝦味，但係料不多，而且佢係與配粗麵，唔係我杯茶，不過整體不錯。。同事個喇沙都好食，個湯底好香，不過有啲辣，但接受到。😂😂😂第二次來本身想跟同事食喇沙or食肉骨茶米粉Or食咖哩配油酥餅 (全部因爲等位時見到其他人點而想食🤪🤪🤪🤪)，最後因爲太肚餓而轉食左海南雞飯🐔🐔🐔 (well, 女人係咁善變咖啦😂😂😂)，朋友話我傻傻地，度度都有做乜要食呢度，我肚餓想食飯嘛。😂😂 來到時，果然無失望，油飯好香，雞無骨又滑好好食囉。。✌🏻✌🏻✌🏻第三次來我就見到有人食有蝦片既印尼炒飯，所以我都照跟，蝦片喎，有邊個唔鍾意食先。😂😂😂 估唔到呢度啲炒嘢都好食。好足料又大碟，好香又唔油，仲有好多唔同嘅海鮮咖。好食喎。雖然大碟，但我都清晒，可能係我大食😂😂😂。來左3次都未食過喇沙，但幾次都有驚喜，唔怪得同事成日話我有食神。😂😂😂✌🏻✌🏻✌🏻下次再來試喇沙。BTW, 同事個油酥餅都好好食。👍🏻👍🏻

第一次食莎巴係起中環店基本上係嗰陣時既飯堂之一•灣仔店將於10月光榮結業😞😞店員話未知去向 香港可能又小左一間食正宗馬來野既餐廳lu~希望會有新消息啦之後🙏•我好專一🤣🤣🤣 由始至終都係鍾意食佢地嘅海鮮喇沙湯麵湯底一流 好creamy冒住肥既機會都要飲晒啲湯 一滴不留👅👅👍🏻🥢每一啖麵都掛住喇沙湯 真係人間美食🤩🤪•仲有薯仔薄餅 好好味 即叫即做 外脆內軟夠曬地道 點可以唔叫埋咖喱黎點薄餅啊🍽🍴

This Malay restaurant is located in Wanchai Jaffe Road, with a fairly long history as I recalled visiting it since I was young. The interior setting was rather nondescript, but the neon signs outside certainly is something eye-catching. After a while the restaurant was fully occupied, including both local and foreigners, a clear sign of its popularity.I ordered the Cendol ($38) to start as I have not enjoyed one for quite a long while. Good in taste, it was not too sweet, with the palm sugar sy

上星期跟同事去食，叫左個喇沙米set lunch及香蕉薄餅，覺得喇沙湯底香濃，香蕉薄餅外脆內軟，值得encore,今個星期就再去密密食。上星期：喇沙米、凍拉茶、香蕉薄餅星期一： 蝦麵、熱拉茶星期二：海南雞飯、凍檸水星期三：咖哩牛腩印度薄餅、奶茶主食係樣樣都會有驚喜♥喇沙湯底及蝦麵湯底香濃、海南雞飯醬同咖喱好有東南亞風味😋飲品就普通茶記質素，個人覺得拉茶普通。去過沙巴當地飲二色/三色拉茶，感覺較好。🤔不過你要接受到員工嘅服務態度真係麻麻，要爽手、大聲、午飯人多環境窄。🙄到今年10月結業，希望起結業前多食兩餐，同埋希望佢地搵到新鋪位，讓高質味道得以承傳。

去完沙巴一直對個邊既椰漿飯念念不忘，係香港試過唔同地方既椰漿飯都搵唔到沙巴椰漿飯相似既味道直至一次偶然入呢間餐廳，一試難忘椰漿飯香椰漿味，帶少甜，伴菜魚仔咸而辣，加埋椰漿飯一齊食十分惹味，多層次口感

Having seen the “not so good” comments in openrice, I had hesitated to go this restaurant or not after sometimes not being here. My mom used to love the seafood laksa so i still decided to try their seafood laksa. Laksa is still very nice. I like how the rice noodle goes with the laksa soup, the noodle is also reasonably flavoured. The laksa soup is less spicy than before that people who can’t tolerate spicy food like me can eat this food. We also ordered half dozen of chicken satay sticks. Nice

呢間嘢啲laksa 真係好好食真係好地道本身我係去同一條街食laksa點知嗰間嘢執咗個湯底夠曬濃味感覺上非常貪心因為我想一啖食曬佢落口可惜佢只係得米粉如果佢有得揀兩溝就perfect豆卜夠曬吸湯魚片夠曬彈牙仲有魷魚蝦仔青口咁樣其實嗰啲不吃也罷你又可以加辣雖然我係叫海鮮laksa啲海鮮 都係雪藏嘢下次都係食返普通laksa算數不過我食得好開心個湯底夠曬濃厚一廳嗰啲侍應嘅口音都知佢本身係馬來西亞人睇佢嘅餐牌 佢仲有印度咖哩食亦都有 馬拉人進駐下次真係想食地道嘅馬來西亞肉骨茶

東南亞美食勝在香口，濃味，有鑊氣。適逢秋風送爽，香港十一月尾終於漸露秋意，驅使我走進老字號莎巴馬來餐廳，一嘗炒蘿蔔糕和沙爹等傳統馬拉招牌菜，暖暖胃，醫醫肚。名不虛傳，縱使環境已非新店裝潢，馬拉菜的老風味猶在，此行並沒有失望而回。我和朋友幸好在“落場位”前入座，其後一對情侶約下午5時來已經無緣進餐。炒蘿蔔糕不負所託，鑊氣盡出，上菜後10分鐘仍然炙熱。蘿蔔糕外脆內軟，咬下去先嘗豉油的甜，再送以雞蛋花，芽菜，菜甫，蝦肉的鹹和鮮，啖啖香口放不下筷子。儘管我相信有味精點綴，但地道東南亞菜本就不是健康之選，是正宗guilty pleasure comfort food。食馬來西亞菜非吃沙爹不可。花生沙爹醬到家，比坊間的甜，而醬身濃厚，口感非常，令我回想尖沙咀好時沙爹前身還叫做“沙爹hut or 屋”，當時朱太親手炮製的那個沙嗲醬。豬，牛串燒油份剛好，味道亦醃得不鹹也不酸，伴上甜甜的花生醬是絕配。不要談健康，熱氣，我知道是guilty pleasure。但在這灰灰的天，陰陰的街中，我的味覺在灣仔找到荒漠甘泉，縱然有半點內疚，亦在鑊氣中沉醉了一個抱腹而回的馬來黃昏。

經過灣仔覺得肚餓，見到呢間餐廳有幾多報紙做過訪問，好似幾吸引，於是入去食下，結果又幾驚喜！叫咗個lunch set係咖喱鴨配油鬆餅，咖喱食落去辣到啱啱好，啲鴨好鬆化，一咬落去就會散開，係正宗嘅馬拉鴨！油鬆餅幾香，食落去外脆內軟！最好食係呢個炒蘿蔔糕，蛋絲同芽菜都為呢個餸生色不少，每個蘿蔔糕都沾滿左豉油，蘿蔔糕個皮炒得脆卜卜，蝦又有啲鹹香味好惹味，成個餸都好有鑊氣！沙嗲串燒嘅精髓沙嗲汁真係整得好好，食落仲有小小甜味！食之前一定要沾滿個汁！