Video
Read full review
2015-07-01
4131 views
七月一放假嚟依間新派中荼試下佢個冬菇包，一點幾去到九成滿座，好彩有訂位！新派中菜當然係新式裝修，舒服有型！有機豆漿$29一杯，但又幾好飲喎，新鮮自家製！玫瑰饅頭$29一個，雖然唔平但又做得幾靚嘅，淡淡嘅玫瑰味再點少少煉奶甜甜地幾好味！爆頭芋盒$39，熱辣辣脹卜卜咁，芋頭蓉好味不過外皮再鬆啲會更好！松露香茹包$49，真係有九成似冬菇，個底仲做埋粒嘢，又几認真喎！𥚃面好多香茹同松露粒！炒蝦腸粒$69，有五隻蝦，味道夠，色水亦夠深！白玉王鴿$59，特別跟多個筒仔比你放骨，雖然細隻啲，但啲肉都幾軟幾滑！雞扒擔擔麵$69，吉烈雞扒非常大非常厚，加埋啲檸檬汁增加左啲西式嘅感覺，而個擔擔麵雖然上枱時色水好淺，我仲以為中伏，但你再撈下撈下就成個變左濃湯色，佢雖然唔係我最like嘅又杰又濃又多花生醬嘅湯，但佢個湯加左啲麻辣味道落去，越食越好食！依間唐官雖然唔係平，但佢有創意之外又keep到出品啲賣相而啲味道亦唔錯，我諗我間中都會嚟食下！
有機豆漿$29一杯，但又幾好飲喎，新鮮自家製！
玫瑰饅頭$29一個，雖然唔平但又做得幾靚嘅，淡淡嘅玫瑰味再點少少煉奶甜甜地幾好味！
爆頭芋盒$39，熱辣辣脹卜卜咁，芋頭蓉好味不過外皮再鬆啲會更好！
松露香茹包$49，真係有九成似冬菇，個底仲做埋粒嘢，又几認真喎！𥚃面好多香茹同松露粒！
炒蝦腸粒$69，有五隻蝦，味道夠，色水亦夠深！
白玉王鴿$59，特別跟多個筒仔比你放骨，雖然細隻啲，但啲肉都幾軟幾滑！
雞扒擔擔麵$69，吉烈雞扒非常大非常厚，加埋啲檸檬汁增加左啲西式嘅感覺，而個擔擔麵雖然上枱時色水好淺，我仲以為中伏，但你再撈下撈下就成個變左濃湯色，佢雖然唔係我最like嘅又杰又濃又多花生醬嘅湯，但佢個湯加左啲麻辣味道落去，越食越好食！
依間唐官雖然唔係平，但佢有創意之外又keep到出品啲賣相而啲味道亦唔錯，我諗我間中都會嚟食下！
Post
