Video
Read full review
2019-08-07
61 views
耐不耐會同朋友去牛陣嘅我，今次竟然見到有期間限定湯底出，係冬蔭公湯底呀，係日式火鍋店真係好少遇到，既然係咁，就一於試下啦。有別於平時嘅火鍋底，今次個湯底係要自己烹調嘅，一開始先放牛脂膏爆香，炒香之後再放海鮮和香料，然後倒入冬蔭公湯，整嘅時候已經聞到陣陣濃郁嘅香辣味。湯底本身係唔辣嘅，客人可以按個人喜好加泰式子彈椒，而我地加左大約三條，就調校到我地喜歡嘅口味。係湯底未被其他配料污染之前我地試左好幾啖，哇，真係同泰國餐廳食到嘅無咩分別架。係又悶又熱嘅夏天，黎一口又酸又辣嘅味道，一個字：正！ 兩個字：「泰」正！。套餐除左配豚肉之外，仲可以無限追加澳洲上級長期牛穀飼牛同埋海鮮，任點象啤，凍飲同熱泰式香茅茶任飲， Haagen-daz雪榚任食 ，真係無得頂呀！澳洲上級長期牛穀飼牛質素算高，雪花紋紅白相間，脂肪分佈平均，淥一淥就食得，豚肉亦唔會好肥膩。海鮮方面有廣島蠔，帆立貝同埋蠔，樣樣都好新鮮，同冬蔭公湯底非常夾。自助區除左一般火鍋配料同多款蔬菜之外，仲有熟食，分別係泰式蝦片，薯格同紅咖喱。雖然晚市人流多，但係侍應refill嘅速度都相當快，好多時食物盤都係滿滿嘅。食飽火鍋之後輪到食女仕們嘅「主
有別於平時嘅火鍋底，今次個湯底係要自己烹調嘅，一開始先放牛脂膏爆香，炒香之後再放海鮮和香料，然後倒入冬蔭公湯，整嘅時候已經聞到陣陣濃郁嘅香辣味。湯底本身係唔辣嘅，客人可以按個人喜好加泰式子彈椒，而我地加左大約三條，就調校到我地喜歡嘅口味。係湯底未被其他配料污染之前我地試左好幾啖，哇，真係同泰國餐廳食到嘅無咩分別架。係又悶又熱嘅夏天，黎一口又酸又辣嘅味道，一個字：正！ 兩個字：「泰」正！。
套餐除左配豚肉之外，仲可以無限追加澳洲上級長期牛穀飼牛同埋海鮮，任點象啤，凍飲同熱泰式香茅茶任飲， Haagen-daz雪榚任食 ，真係無得頂呀！澳洲上級長期牛穀飼牛質素算高，雪花紋紅白相間，脂肪分佈平均，淥一淥就食得，豚肉亦唔會好肥膩。海鮮方面有廣島蠔，帆立貝同埋蠔，樣樣都好新鮮，同冬蔭公湯底非常夾。
自助區除左一般火鍋配料同多款蔬菜之外，仲有熟食，分別係泰式蝦片，薯格同紅咖喱。雖然晚市人流多，但係侍應refill嘅速度都相當快，好多時食物盤都係滿滿嘅。
食飽火鍋之後輪到食女仕們嘅「主菜」啦。Haagen-daz雪榚共有四隻味，每隻味都可以食少少，為我地嘅晚餐劃上完美句號。
食完呢餐飯仲有得參加「泰Be Happy」抽獎，頭獎仲可以得到雙人來回泰國曼谷商務艙機票連五星級酒店四日三夜添呀，我地又點可以唔碰下運氣呢?
Post
