牛陣 (iSQUARE國際廣場)

Open Now

Now Closed

7點黎到有位直接入得，正呀，平時有唔少人等位的。坐低後店員推介宜家有個冬蔭公湯底新湯底，我地都好有興趣去試，就決定試下。落完單就出去夾火鍋料先，限時個半鐘，其實係夠晒時間，所以先觀察下自助吧有咩先。多款火鍋料，仲有唔少蔬菜。見到有紅咖喱、炸蝦餅、香茅茶，睇黎match番個冬蔭公鍋，有主題性！有任食Haagen Dazs 雪糕，正呀！番到座位見到有店員幫我地炒緊d海鮮，係倒湯前炒。之後就將香濃既冬蔭公湯倒入鍋煲滾，自行加入各款泰式香料。三款肉都好新鮮，睇顏色就分辨到，肉同海鮮都係無限任添，當然食幾多就叫幾多啦！埋單時店員送上泰國軟糖，好特別的小驚喜！