MAZ Thai & BBQ (Closed)

聽朋友講呢間幾好食，終於揾到機會食啦！兩個人叫左四大碟野食飽飽☺️ 先講左野飲先，芒果沙冰同驚喜既榴連沙冰，大讚榴連沙冰，勁香勁濃，好似食緊榴連咁。重點推介呢款好特別既菜式，冬陰公肥牛火鍋，岀邊好少機會食到架。因為要做火鍋湯底，冬陰公會無咁辣，但都係咁厚身同好香既香草味！肥牛俾靚牛你，唔薄有肉味👍🏻泰式鳳爪沙律，個兜好靚，唔覺唔覺好大碟，鳳爪爽口無腥味，酸酸辣辣好開胃。咖哩大蝦睇到隻色都知呢種唔係好辣果隻咖哩，不過椰汁味好重，香草味都濃，撈飯配蒜蓉包一流，但係蝦就唔算好新鮮🤔最後唔夠喉嗌多個pad thai，即叫即炒夠鍋氣，都有幾多餸。