Video
Read full review
2025-02-15
559 views
之前喺 Social Media見到呢度嘅冬陰功煲仔麵覺得好吸引，所以 Save 咗好耐，今次終於食到啦！一上嚟嗰陣，個煲仲喺度咕嚕咕嚕地滾住，熱辣辣嘅感覺真係幾有feel🤣冬陰功麵加埋個蛋，真係絕配，味道濃郁。唯一美中不足嘅係，麵嘅份量較少，而且冇乜其他配菜。不過，泰式公仔麵底好似原本就係比較細啲嘅(?)所以呢個唔算係大問題。至於串燒，我哋叫咗三串豬肉同三串雞肉，兩款都好食，有我最鍾意嘅沙嗲汁😍仲叫店員比多一兜沙嗲汁我哋🤣冬陰功煲仔飯都好惹味，入面有蝦同魷魚。我仲加咗少少串燒嘅沙嗲汁落去，加完更加好食～～煲仔飯仲送咗一碗冬瓜湯同埋一個甜品。冬瓜湯清清地，好解膩，甜品就係椰汁西米糕，都唔錯～因為今次得兩個人食，所以食唔落咁多嘢，但下次一定會再嚟試下金邊粉同埋咖喱麵，好似好吸引咁😍
一上嚟嗰陣，個煲仲喺度咕嚕咕嚕地滾住，熱辣辣嘅感覺真係幾有feel🤣冬陰功麵加埋個蛋，真係絕配，味道濃郁。唯一美中不足嘅係，麵嘅份量較少，而且冇乜其他配菜。不過，泰式公仔麵底好似原本就係比較細啲嘅(?)所以呢個唔算係大問題。
至於串燒，我哋叫咗三串豬肉同三串雞肉，兩款都好食，有我最鍾意嘅沙嗲汁😍仲叫店員比多一兜沙嗲汁我哋🤣
冬陰功煲仔飯都好惹味，入面有蝦同魷魚。我仲加咗少少串燒嘅沙嗲汁落去，加完更加好食～～煲仔飯仲送咗一碗冬瓜湯同埋一個甜品。冬瓜湯清清地，好解膩，甜品就係椰汁西米糕，都唔錯～
因為今次得兩個人食，所以食唔落咁多嘢，但下次一定會再嚟試下金邊粉同埋咖喱麵，好似好吸引咁😍
Post
