波士冰室 (Closed)

今日同家人到波士冰室食晚飯，點左菠蘿生炒骨，土魷蒸肉餅，魚香茄子班腩煲，芝士火腿滑蛋丹麥多士三文治，懷舊雪糕紅豆冰，熱檸檬水，咸檸七喜。菠蘿生炒骨：好多配料，新鮮三色椒，洋蔥，菠蘿清甜。生炒骨肉質好，甜酸度岩岩好。土魷蒸肉餅：肉質好好加埋土魷香，將菜式味道層次再提高。魚香茄子班腩煲：班腩都好多，味道配合白飯來食好夾。味道好，茄子肉碎加起醬汁就係絕配。芝士火腿滑蛋丹麥多士三文治：芝士融入火腿同炒蛋中，令到多士更好食。炒蛋唔會炒得太乾，整體好味道。懷舊雪糕紅豆冰：雪糕幾好味道，紅豆夠淋。熱檸檬水：正常。咸檸七喜：熱辣辣天氣整返杯即時解熱。例湯：唔會太咸都叫ok,都好多料。