Video
Read full review
2019-05-12
940 views
今日行程非常緊密，朝早先喺山頂做完晨運，下午又約咗班好姊妹一齊去睇戲，本來打算之後再去唱K，不過因為有姊妹臨時有事，所以有人提議不如將節目順延至下星期。見突然有空，一於約老公出嚟行街 Shopping 兼晚飯直落。血拼完又是時候醫肚。記得早前有食友報料，話銅鑼灣最近開咗間新冰室，食物水準唔錯，除了有港式美食和招牌燒味外，更有星馬咖喱同喇沙等供應，而且餐廳做緊新張試業優惠，凡惠顧任何堂食或外賣自取，即可享5折，非常抵食，反正店舖就在附近，一於過去碰下運氣。店址位於新會道2號，門口的招牌非常搶眼，離遠已經見到大大隻字寫住「南山冰室」。至於門面就以 tiffany blue 為主色，配上店內的湖水藍佈置，猶如小清新的 Café，給人年輕、活力的感覺。餐牌壓咗係檯面嘅玻璃下面，食物一目了然，既有常餐、下午茶餐，亦有星馬咖喱類、燒味、喇沙、亞洲風味、三文治及小食、飲品及特飲等，選擇非常之多元化。由於剛才在門外已經細心研究過餐牌，所以入座後便可以即時點餐。 兩口子都愛吃香口之物，看看腕錶，原來下午茶時間還沒過，咁就先嚟一客下午茶餐，另外再加咗肉鬆厚多士、肉骨茶、喇沙同飲品。茶餐選了吉列魚柳配薯角
血拼完又是時候醫肚。記得早前有食友報料，話銅鑼灣最近開咗間新冰室，食物水準唔錯，除了有港式美食和招牌燒味外，更有星馬咖喱同喇沙等供應，而且餐廳做緊新張試業優惠，凡惠顧任何堂食或外賣自取，即可享5折，非常抵食，反正店舖就在附近，一於過去碰下運氣。
店址位於新會道2號，門口的招牌非常搶眼，離遠已經見到大大隻字寫住「南山冰室」。至於門面就以 tiffany blue 為主色，配上店內的湖水藍佈置，猶如小清新的 Café，給人年輕、活力的感覺。
餐牌壓咗係檯面嘅玻璃下面，食物一目了然，既有常餐、下午茶餐，亦有星馬咖喱類、燒味、喇沙、亞洲風味、三文治及小食、飲品及特飲等，選擇非常之多元化。由於剛才在門外已經細心研究過餐牌，所以入座後便可以即時點餐。 
兩口子都愛吃香口之物，看看腕錶，原來下午茶時間還沒過，咁就先嚟一客下午茶餐，另外再加咗肉鬆厚多士、肉骨茶、喇沙同飲品。茶餐選了吉列魚柳配薯角 ($38)，再將套餐飲品轉做紅豆冰 (+$6)。吉列魚柳炸得剛好，炸粉不會太厚，入面嘅魚肉嫩滑，而外皮亦夠香脆，配埋沙律醬，味道唔錯。另外薯角亦頗有水準，外香脆內粉綿，入口滿載薯香。跟餐的紅豆冰份量十足，紅豆大大粒，非常飽滿，配白滑的花奶，加上味道亦不太甜，很有質素！
咖央肉鬆厚多士 ($28)，講真，塊多士絕對唔算厚，不過面頭塗上咖央，再鋪咗層肉鬆，加上麵包烤得外脆內鬆軟，味道真的不錯。最抵讚就係肉鬆的份量控制得剛好，除了入口不會太鹹外，肉鬆也準確地黏在吐司上，不會因為有太多肉鬆而掉到整個桌面都髒髒的，愛吃肉鬆的我表示很滿意！
另外單點的肉骨茶 ($38) 亦頗有水準，雖然份量不多，但藥材與肉的比例拿揑得剛好，湯頭味道鮮甜，而豬排骨肉質亦很鬆化，再加上豆卜和冬菇，用料絕不欺場。
至於喇沙方面，本來想吃招牌海鮮喇沙，不過因為餐廳太好生意，已經全部售罄，所以最後改點了厚切豬扒喇沙 ($52)。喇沙以蝦湯煮成，湯底稠杰，入口滑溜，味道偏甜，帶著辣香。配料有魚片同豆卜，另外麵條就屬摻摻風格，有油麵同米線兩款，油麵滑、米線爽，掛湯不易腍，質素不俗。豬扒即叫即炸，吃下時仍熱辣辣，外皮酥脆，炸漿夠薄身，入口肉嫩又多汁。
另外呢杯荔枝冰 (+$12) 亦非常好飲，成品以荔枝汁及果肉調成，一啖入口冰涼透心，用來消暑一流。由於餐廳做緊半價優惠，所以呢餐埋單只係 $87，確實相當抵食！
Post
