十字冰室 (禮頓道)

Open Now

Now Closed

大家細細個一定飲過十字牌牛奶，咁以十字牌牛奶做主題嘅冰室餐廳又有無試過？十字冰室原來喺銅鑼灣都開咗分店，裝修走懷舊路線，手寫餐牌同霓虹招牌，靚相打卡都好靚！皇牌餐：香濃蕃茄牛尾湯通粉+黑松露滑蛋+牛油多士你睇下嗰蕃茄牛尾湯通粉幾足料。一開始當然試下嗰湯先，茄味香濃，好似飲緊羅宋湯咁，仲有好多紅蘿蔔、西芹、椰菜、蕃茄，好足料。仲有一大舊牛尾，一啲都無偷工減料，牛味濃郁，真係好滿足。黑松露炒滑蛋值得推介，加入十字牌鮮奶炒，所以特別香滑，而且有濃郁嘅黑松露味，正！牛魔王精選鐵板餐話明係牛魔王就梗係全個鐵板都係牛啦，有牛扒、牛脷同漢堡扒，全部都好香牛味，再加埋薯菜，真係好大份，好滿足！特別鍾意嗰黑松露茄茸汁，加入原塊乾蒜片，好惹味！鐵板餐仲配南瓜湯同HK$22嘅飲品。瑞士雞翼撈一丁麵兩隻雞全翼配上瑞士汁，煮得好入味，加埋一丁麵，啱晒M佬！花生醬厚西多士邪惡至極嘅西多士新鮮炸起，上面嘅牛油慢慢溶化，好治療呀！再加埋花生醬同花生粒，口感豐富，味道濃郁！