發哥粥底海鮮火鍋 (Closed)

今日黎到觀塘附近，我朋友食過發哥，就一於試試啦，原來餐廳日頭係冰室，晚市先有火鍋，大家唔好黎錯時間喇。我同朋友就揀咗龍蝦餐粥底火鍋，打頭陣嘅有冰鎮鮑魚，夠曬鮮甜彈牙，仲有一盅燉湯，非常足料，有螺肉，龍眼，豬肉等等，好甘甜好好飲。主角—海鮮盤黎喇，上面除咗龍蝦，仲有貴妃木蚌，生蝦，蟶子，多寶魚等。龍蝦有膏，肉好扎實，有龍蝦味，送黎時仲識郁，非常新鮮，海鮮份量之多，加埋菜同肉盤，圍起價錢真係抵食。最後當然食埋個粥啦，店員好熱心，驚我地唔知點處理，幫我地手煮埋，個粥吸收曬湯底嘅精華，正呀。