洛奇冰室 (Closed)

今日朋友推介洛奇冰室粥底火鍋，平時打邊爐打得多，但粥底海鮮火鍋打邊爐真係未試過。平時餐廳早上係冰室，晚市就主打做正宗順德粥底海鮮火鍋。粥底火鍋每位只係$198，不收醬料費，套餐有7款時令海鮮、6款自選配料、3款特選時蔬、1款精華海鮮粥，另外亦可以訂其他生猛海鮮，但要訂位時預訂。海鮮好豐富，有鮑魚、聖子皇、蟹、蝦、兩款蜆、生魚片，海鮮超級生猛，黎到仲郁緊，好新鮮，如果想食龍蝦唔食蟹可以$198+$100升級做龍蝦。先將粥水滾起，再按次序放入7款海鮮食材，成日唔知海鮮幾時熟，枱上有計時器，加上圖文並茂介紹每款海鮮的烹調時間，煮出來的海鮮恰到好處。海鮮處理得好好，蜆類和蟶子皇都沒有沙，肉嫩鮮甜，生猛鮑魚鮮嫩彈牙，鮮蝦爽口彈牙，蟹大大隻，每款海鮮好新鮮，令人非常滿意。食完海鮮後，店員會在吸收了海鮮精華的粥水上加入南瓜粒、芋頭粒、粟米件，之後可以繼續加入自選配料打邊爐。自選配料我地點了美國肥牛、牛肉芝心丸、牛骨濃汁牛丸、金沙魚丸、蟹粉蝦子丸、脆皮芝士膠，個人私心推介牛肉芝心丸、牛骨濃汁牛丸和金沙魚丸，牛骨濃汁牛丸充滿牛味，一放入口，超級多肉汁又彈牙，另外金沙魚丸，一入口滿滿的咸蛋黃流沙，非常滋味